La Kupałaŭskaha — «Noč paezii» z udziełam Arłova i Chadanoviča, u parkach — kupalskija hulańni
Kupalskija hulańni 6 lipienia ŭ stalicy razhornucca ŭ parku imia 900-hodździa Minska i Łošycy, paviedamlaje BiełTA.
Haściej čakajuć kupalskija cudy, vystupleńni artystaŭ i smačnyja pačastunki, buduć pracavać interaktyŭnyja placoŭki. U prahramie značacca karahody, tancy, narodnyja abrady. U liku zaprošanych haściej — falkłornyja kalektyvy «Šlachta», «Bahač», «Kabiety», «Vielis», «Śviatki», «Ščodryca». Mierapryjemstvy projduć z 17.00 da 22.00.
A na terasie kaviarni «Aŭsteryja Uršula» la Kupaŭskaha teatra ŭviečary ładzicca «Noč paezii».
«Zhodna z narodnym pavierjem, drevy ŭ noč z 6 na 7 nabyvajuć vialikuju čaroŭnuju moc, travy ažyvajuć i napaŭniajucca lekavaj, mahičnaj siłaj, a ludzi ŭ hetu noč ačyščajucca ad prablem i niahod. Janka Kupała, jaki naradziŭsia 7 lipienia, niedaremna abraŭ sabie ŭ psieŭdanim nazvu hetaha śviata: paet chacieŭ zdabyć ščaścia i dla siabie, i dla svajho rodu», adznačajecca na sajcie Kupałaŭskaha teatra.
U imprezie voźmuć udzieł Uładzimir Arłoŭ, Kasia Kamockaja, Nasta Kudasava, Andrej Chadanovič, jakija pračytajuć svaje ŭlubionyja vieršy.
Pačatak a 19-j.
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary