Biełaruskamu śpievaku, što zrabiŭ furor na ŭkrainskim telešou «Hołas krainy», zabaranili ŭjezd va Ukrainu
Paŭfinalistu papularnaha ŭkrainskaha telešou «Hołas krainy», biełaruskamu śpievaku Michaiłu Sasunovu (Michael Soul) zabaranili ŭjezd va Ukrainu. Pra heta chłopiec raspavioŭ u instahramie, paviedamlaje Jeŭraradyjo.
«Pavažanyja padpisčyki. Zdymaju, napeŭna, samuju žachlivuju videa-historyju ŭ svaim žyćci. Ale jak jość. Mnie pastavili poŭnuju zabaronu na ŭjezd va Ukrainu na try hady. Tamu maje vybačeńni pierad usimi. Ja ciapier na miažy, tamu što mianie vysadzili. Heta žachliva. Maje vystupy ŭ Kijevie i Adesie admianiajucca. Ja vas vielmi lublu», — ledź nie sa ślaźmi na vačach raskazvaje Sasunoŭ. Pryčynu admovy chłopiec nie tłumačyć.
Michaił Sasunoŭ — adzin z samych cikavych maładych biełaruskich pop-vykanaŭcaŭ. U 2016 hodzie ŭ składzie duetu «The Em» staŭ finalistam nacyjanalnaha adboru na «Jeŭrabačańnie». Jak bek-vakalist jeździŭ na «Jeŭrabačańnie» ŭ Kijeŭ z Naviband.
Jaho vystup padčas ślapych prasłuchoŭvańniaŭ u apošnim siezonie «Hołasa krainy» vyklikaŭ furor. Da biełarusa paviarnulisia ŭsie čatyry treniery, chłopiec abraŭ Cinu Karal.
Letaś u padobnuju situacyju trapiŭ jašče adzin biełaruski artyst — Maks Korž. Karžu taksama admovili va ŭjeździe va Ukrainu nibyta z-za jaho byłych vystupaŭ u Krymie. Adnak muzyka napisaŭ zajavu ŭ peŭnyja instytucyi, i zabarona była źniataja.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1414
Kamientary