Pad Homielem pjanaja maci viezła na aŭtamabili dvaich dziaciej i trapiła ŭ DTZ, paviedamlaje UDAI UUS Homielskaha abłvykankama.
Uviečary 13 červienia supracoŭniki DAI atrymali paviedamleńnie ab DTZ u Homielskim rajonie. Vinavataj u avaryi była 32-hadovaja kiroŭca BMV — maci traich dziaciej. Žančyna była z prykmietami ałkaholnaha apjanieńnia, ad miedycynskaha ahladu admoviłasia. Jana viezła dvaich dziaciej 6 i 9 hadoŭ, jakija nie paciarpieli. Na žančynu skłali čatyry administracyjnyja pratakoły. Mašynu źmiaścili na štrafnuju stajanku. Adnak na hetym historyja nie skončyłasia.
Praź niekatory čas užo ŭ Homieli jaje zatrymali jašče raz, ale ŭžo na aŭtamabili «Nisan». Žančyna znoŭ była z prykmietami ałkaholnaha apjanieńnia i admoviłasia ad ahladu. Na ščaście, na hety raz dziaciej u aŭtamabili nie było. Da papiarednich pratakołaŭ dadalisia jašče dva, a mašyna taksama adpraviłasia na štrafnuju stajanku. U vyniku hamialčancy pahražaje bujny štraf i pazbaŭleńnie vadzicielskaha paśviedčańnia. Svaju vinu jana tak i nie pryznała.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty27
Kamientary