U pačatku maja Łukašenka adchiliŭ ad raboty ministra enerhietyki Uładzimira Patupčyka, jaki prabyŭ na pasadzie piać hadoŭ.
Viadoma, što katedž eks-ministra la Drazdoŭ aryštavany, a aficyjnaja pryčyna adchileńnia — «spryjańnie stvareńniu niezakonnaha siamiejnaha biźniesu».
Čytajcie: Stała viadoma, za što zvolnili ministra enierhietyki
Možna mierkavać, što ciapier ministr znachodzicca pad vartaj.
Novy pavarot historyi daje adzin z rasijskich aŭtarytetnych telehram-kanałaŭ. Jon pryśviaciŭ artykuł adyjoznaj prapucinskaj aktyvistcy Chryścinie Patupčyk, jakaja viadomaja arhanizacyjaj ckavańnia niekatorych rasijskich apazicyjnych dziejačaŭ i ŚMI.
Krynicy telehram-kanała paviedamlajuć, što biełaruski eks-ministr prychodzicca Chryścinie Patupčyk stryječnym dziadźkam.
«Pa niekatorych padlikach, z 2013 hoda jon zarabiŭ $40 miljonaŭ na arhanizacyi pastavak vuhalu z ŁDNR u Jeŭrasajuz praz padstaŭnyja polskija jurydyčnyja asoby. A ŭ Danbas jon adhružaŭ salarku i bienzin», — paviedamlajuć krynicy.
Ale, maŭlaŭ, paśla infarmacyi ab mierkavanaj adstaŭcy Surkova (pamočnika Pucina, jaki kuryruje niepryznanyja respubliki), peŭnyja rasijskija siły na čale ź vice-premjeram Dźmitryjem Kazakom vyrašyli adchilić Patupčykaŭ ad chlebnaha biźniesu.
Taksama paviedamlajecca, što žonka Patupčyka žyvie asobna ŭ Kalininhradzie. Nazyvajecca i imia jaho maładoj kachanki, jakaja, u svaju čarhu, nibyta ciapier stała znachodzicca ŭ Vienie.
«Našaj Nivie» nie ŭdałosia ni paćvierdzić, ni abvierhnuć hetyja čutki.
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary