Chto taki Siarhiej Raŭniejka, zatrymany na chabary ŭ 200 tysiač dalaraŭ?
Zatrymańnie čynoŭnika takoha vysokaha ranhu — redkaść dla Biełarusi. A tut jašče i suma chabaru ŭražvaje, až 200 tysiač dalaraŭ. Adna z najbolš hučnych kryminalnych spravaŭ apošnich hadoŭ. Chto ž taki Siarhiej Raŭniejka?
Jašče ad 2000-ych jon uznačalvaŭ hrodzienski Dziaržkantrol. U 2013 hodzie Raŭniejku pieraviali ŭ Minsk. U centralnym aparacie Dziaržkantrolu jon kuryravaŭ zachodni rehijon.
A ŭ 2015-m Łukašenka pryznačyŭ jaho svaim pamočnikam usio pa toj ža Hrodzienščynie.
U pryvatnaści, Raŭniejka kantralavaŭ budaŭnictva ŭ Astraŭcy atamnaj stancyi. U jahonuju śfieru taksama ŭvachodziła drevaapracoŭka. Dastatkova važnaja halina dla našaj krainy i asabliva dla kiraŭnika dziaržavy.
«Kab nie ŭźnikała prablem, nieabchodna dakumientalna afarmlać adnosiny i vieści biznes prazrysta», — cytata Raŭniejki ź sioletniaha pryjomu hramadzian u Ašmianach.
«Kožnamu nieabchodna pamiatać pra svaje karani, zachavać kaštoŭnaści, zakładzienyja našymi prodkami. Praz hetyja kaštoŭnaści možna atrymać zdarovaje hramadstva», — jašče adna cytata Siarhieja Raŭniejki.
«Abyjakavaść čynoŭnika luboha ŭzroŭniu da prablem ludziej niedapuščalna», — hetyja słovy Siarhiejem Raŭniejkam byli skazanyja padčas razmovy ź ludźmi ŭ Voranaŭskim rajonie.
«Narod zrabiŭ śviadomy vybar za stabilnuju i kvitniejučuju Biełaruś, za prahresiŭnaje, evalucyjnaje raźvićcio krainy. Vysoki pracent davieru, jaki žychary ŭsich rehijonaŭ akazali kiraŭniku krainy, paćvierdziŭ, što abrany im palityčny kurs pravilny, što my, biełarusy, adzinyja va ŭsich našych pamknieńniach, u dasiahnieńni mety, i my hetuju metu bačym vielmi vyrazna», — słovy pamočnika prezidenta paśla prezidenckich vybaraŭ 2015 hoda.
Ciapier čytajuć
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ2
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary