Franak Viačorka dva tydni karystaŭsia Oculus Go: «Hetaja štuka tatalna źmienić ŚMI i hiejminh»
Žurnalist apisaŭ dośvied u siabie ŭ fejsbuku.
Voś užo dva tydni u mianie takaja voś štuka — Oculus Go (Cukierberh jaje prezentavaŭ 1 traŭnia), i chaču padzialicca svaim zachapleńniem. Heta pieršaja pryłada VR (virtualnaj realnaści): 1) bieź nieabchodnaści ŭstaŭlać telefon, 2) padklučać dadatkovy kamputar, 3) dastupnaja pa košcie, 199$. Upeŭnieny, što hetaja štuka tatalna źmienić sferu medyjaŭ i hiejminhu.
Jak pracuje. Čaplaješ na hałavu. Uklučajecca sama. Traplaješ nibyta na rabočy stoł kamputara u farmacie 360. Huk ubudavany u sam Oculus, i biez navušnikaŭ: ty sam čuješ, inšyja nie. Jakaść vydatnaja, mahčymaści nieabmiežavanyja. Usio źviazana z tvaim fejsbuk-akaŭntam i telefonam. U rukach pult, jaki skanuje tvaje ruchi.
Voś jakija mahčymaści jana daje karystalnikam užo ciapier, chacia dumaju, heta tolki pačatak.
— Łazić pa sajtach, kamencić u instahramie, praviarać poštu—usio u farmacie 360, pierad taboj biaskoncy desktop, niekalki voknaŭ i virtualnaja klavijatura.
— Hladzieć roliki 360, žyvyja tranślacyi 360, 3D filmy. Cikava, što ŭ amerykanskich trendach Oculus— videaroliki Russia Today.
— Kamunikavać ź siabrami z fejsbuku praz svajho avatara. Vy možacie sieści na virtualnym bierazie rečki (naprykład, Niomana) i pahavaryć, pahulać u hulni. Efekt prysutnaści FANTASTYČNY.
— Nu i, viadoma, hulni, šmat ź jakich prosta całkam pamianiali majo ŭjaŭleńnie pra hetuju industryju. Pryznajusia, što na niekatorych zapluščvaŭ ad strachu vočy ci padaŭ. I zamki buduješ, i revalucyi ładziš, i z monstrami zmahajeśsia —iość zabavy na luby hust. Dla hulniavoj industryi—heta vialiki padarunak.
Ale samaje važnaje, što dla medyjaŭ Oculus Go adkryvaje niejmaviernyja mahčymaści pa hiejmifikacyi kantentu i storytelinhu. Praktyčna, my atrymali mahčymaść lepš raskazvać historyi, budavać uražvalnyja prajekty, tranślavać mitynhi. My možam uzajemadziejničać z našym čytačom-hledačom u žyvym efiry i ź jaho virtualnaj prysutnaściu, chaj sabie praz avatara. My možam utrymlivać jaho hadzinami, infarmujučy i hulajučy z karystalnikam adnačasova. Dumaju, ciaham adnaho-dvuch hadoŭ, uśled za Oculus źjaviacca padobnyja standalone devajsy VR ad inšych firmaŭ, i, adpaviedna, ceny ŭpaduć da 100—150 za pryładu.
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje22
Kamientary