U Japonii znajšli «amal biaskoncyja» pakłady redkaziamielnych mietałaŭ
Pavodle acenak daśledčykaŭ, pakłady, vyjaŭlenyja na dnie Cichaha akijanu la japonskaj vyspy Minamitory, utrymlivajuć bolš za 16 miljonaŭ ton redkaziamielnych mietałaŭ. U časopisie Scientific Reports navukoŭcy adznačajuć, što takija zapasy zmohuć zadavolić suśvietny popyt na bližejšyja 800 hod.
Zhodna z raźlikami śpiecyjalistaŭ, zapasaŭ chopić, kab pakryć mižnarodnyja patrebnaści ŭ itryi na 780 hadoŭ, u jeŭropii — na 620 hadoŭ, patrebnaści ŭ terbii — na 420 hadoŭ, patrebnaści ŭ dysprozii — na 730 hadoŭ. U daśledavańni havorycca, što adkryćcio patencyjna moža dazvolić zabiaśpiečyć śviet takimi mietałami «praktyčna na biaskoncaj asnovie».
Redkaziamielnyja mietały vykarystoŭvajuć u mnohich vysokatechnałahičnych halinach pramysłovaści, u pryvatnaści, pry vytvorčaści elektramabilaŭ, mabilnych telefonaŭ, akumulataraŭ. Jany ŭjaŭlajuć saboj hrupu z 17 elemientaŭ: skandyju, itryju, łantanu i łantanoidaŭ.
U Japonii pačali aktyŭna šukać ułasnyja radoviščy redkaziamielnych elemientaŭ, paśla taho, jak u 2010-ch hadach Kitaj, hałoŭny pastaŭščyk takich mietałaŭ, pačaŭ abmiažoŭvać ich zdabyču i ekspart.
Ciapier čytajuć
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»17
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary