Nacyjanalnym mastackim muziei Respubliki Biełaruś rychtujecca fotavystava Michasia i Kaciaryny Arakčejevych «Ludzi adnoj ziamli».
Prachodziać hady — źjaŭlajucca i sychodziać ludskija pakaleńni. Płyń času źniasła b i radaść, i smutak, i ŭspaminy, kali b nie było pobač ludziej, jakija nahadvajuć, adkul pajšli my ŭsie. Tak idzie niaspynnaja pierajemnaść pakaleńniaŭ. Sieryja fotapartretaŭ «Ludzi adnoj ziamli» — sproba adlustravać hety adviečny ruch.
Kalarovyja partrety ekspanavalisia raniej jak «Našy ludzi» i źjaŭlajucca asobnym prajektam — sieryjaj fotavyjaŭ siabroŭ Studenckaha etnahrafičnaha tavarystva, asnoŭnaj dziejnaściu jakoha źjaŭlajecca mienavita pierajemnaść, zachavańnie i adnaŭleńnie biełaruskaj narodnaj kultury. Manachromnyja partrety ludziej stałaha ŭzrostu byli stvorany ŭ etnahrafičnych ekśpiedycyjach pa ŭsioj Biełarusi i taksama ekspanavalisia jak samastojnaja vystava «Adna ziamla — adna pamiać».
Kaciaryna i Michaś Arakčejevy. Fotamastaki, dyzajniery. Vypuskniki Biełaruskaj dziaržaŭnaj akademii mastactvaŭ (kafiedra hrafičnaha dyzajnu). Z 1998 hoda pracujuć nad fotaprajektami supolna. Ź ciaham času tandem pierafarmiravaŭsia ŭ niekamiercyjnuju art-studyju «PILIGRYM». Asnoŭnym nakirunkam tvorčaści źjaŭlajecca stvareńnie partretnych fotasieryj z admysłovym tematyčnym składnikam, ahučvańnie mastackaj kancepcyi praz fotaekśpierymienty z pastanovačnymi siužetami. Akramia fota, studyja raźvivajecca ŭ videanakirunku jak adnym z aktualnych mastackich kamunikacyj.
Adkryćcio vystavy adbudziecca 12 krasavika ŭ 17.30. Muzyčnyja hości — hurt tradycyjnych śpievaŭ «Rutvica». Vystava budzie pracavać da 15 maja 2018 hoda.
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku32
Kamientary