U 43% vypadkaŭ vakansij u krainie prapanujucca zarobki, jakija nie pieravyšajuć 400 rubloŭ. Prykładna stolki ž vakansij (42%) — z zarobkami ad 400 da 699 rubloŭ. Ad 700 da 999 rubloŭ hatovy płacić na adnym ź dziesiaci svabodnych pracoŭnych miescaŭ. A bolš za tysiaču rubloŭ abiacajuć tolki 4 % vakansij, paviedamlaje «Źviazda» sa spasyłkaj na Biełstat.
Samaj prybytkovaj śfieraj zastajecca IT, dzie śpiecyjalisty atrymlivajuć 3,6 tysiačy rubloŭ.
Pa dźvie tysiačy rubloŭ u miesiac płaciać u halinie pavietranaha pasažyrskaha transpartu i ŭ dapamožnaj dziejnaści ŭ śfiery finansavych pasłuh i strachavańnia. Tysiaču rubloŭ pieravyšajuć taksama zarobki ŭ hornazdabyvajučaj pramysłovaści, na vytvorčaści koksu i praduktaŭ naftapierapracoŭki, chimičnych praduktaŭ, vypusku kampjutaraŭ i pieryfieryjnaha abstalavańnia, u aptovym handli, handli matacykłami i aŭtamabilami i ich ramoncie, mnohich kirunkach transpartnaj dziejnaści. «Pa piaćsot» (u ekvivalencie), pavodle aficyjnaj statystyki, majuć navukoŭcy, vydaŭcy, televizijniki, architektary.
Miedykam płaciać u siarednim 676 rubloŭ, piedahoham — 615, sacyjalnym rabotnikam — 509. U nizie zarpłatnaha rejtynhu raźmiaścilisia biblijatekary, supracoŭniki archivaŭ i muziejaŭ (494 rubli ŭ miesiac), a taksama cyrulniki i rabotniki sałonaŭ pryhažości (404 rubli).
Kamientary