Žychar Barysava prysudžany da 18 hadoŭ pazbaŭleńnia voli za žorstkaje zabojstva svajoj 87-hadovaj babuli i zamach na zabojstva jaje pažyłoj siabroŭki, paviedamlaje BiełTA.
Biespracoŭny mužčyna ŭ stanie ałkaholnaha apjanieńnia žorstka źbiŭ žančyn 12 žniŭnia 2017 hoda. Nahodaj staŭ kanflikt, jaki ŭźnik z-za taho, što babula zrabiła zaŭvahu ŭnuku nie chadzić pa vulicy raspranutym paśla duša. Abvinavačany nanios babuli i jaje siabroŭcy kala 40 udaraŭ kožnaj rukami i nahami pa roznych častkach cieła, u tym liku ŭ žyćciova važnyja orhany — hałavu, šyju, hrudnuju kletku. Ad atrymanych cialesnych paškodžańniaŭ 87-hadovaja žančyna pamierła na miescy złačynstva. Siabroŭka babuli zdoleła źbiehčy. Joj svoječasova akazali miedycynskuju dapamohu.
Adbyvać pakarańnie mužčyna budzie ŭ kałonii ŭzmocnienaha režymu. Akramia taho, u dačynieńni da jaho ŭžyta prymusovaje lačeńnie ad chraničnaha ałkahalizmu. Na karyść paciarpiełaj spahnana materyjalnaja kampiensacyja maralnaj škody. Prysud u zakonnuju siłu nie ŭstupiŭ, moža być abskardžany i apratestavany va ŭstanoŭlenym zakonam paradku.
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary