Prysud fihurantu «spravy patryjotaŭ» Bialaŭskamu «za patron» ustupiŭ u siłu
Mienski haradzki sud pakinuŭ prysud Andreju Bialaŭskamu, vyniesieny za zachavańnie adnaho patrona — hod chatniaj «chimii», piša Radyjo Svaboda.
Fihurant «spravy patryjotaŭ» Andrej Bialaŭski byŭ asudžany za heta Leninskim rajonnym sudom Miensku ŭ studzieni 2018 hodu i adrazu zajaviŭ, što padaść apelacyjnuju skarhu. Andrej Bialaŭski pryznavaŭ vinu, ale ličyŭ prysud zanadta suvorym, a jahony abaronca apelavaŭ da taho, što zachoŭvańnie adnaho patrona nie niasie hramadzkaj biaśpieki. Miž tym sudovaja kalehija Mienskaha haradzkoha sudu na čale z sudździom Uładzimieram Ściapurkam 27 sakavika pakinuła prysud Andreju Bialaŭskamu ŭ sile.
Andrej Bialaŭski — mastak-dyzajner ź Miensku. U 2017 hodzie Andrej Bialaŭski byŭ zatrymany ŭ spravie niezarehistravanaj arhanizacyi «Bieły lehijon» i adbyŭ za kratami bolš za 2 miesiacy. U listapadzie 2017 hodu sprava suproć «Biełaha lehijonu» była kančatkova zakrytaja, usie abvinavačańni ź jaje fihurantaŭ źniali, ale suprać Andreja Bialaŭskaha zaviali novuju spravu ab zachoŭvańni bajavoha patrona, znojdzienaha ŭ jahonaj kvatery. Andrej Bialaŭski tłumačyŭ, što znajšoŭ patron u nabytym aŭtamabili i pakinuŭ sabie ŭ jakaści suvenira.
Paśla razhladu spravy ŭ haradzkim sudzie vyrak Bialaŭskamu ŭstupiŭ u zakonnuju siłu. Tym nia mienš Andrej Bialaŭski namierany dalej abskardžvać prysud Leninskaha rajonnaha sudu Miensku. Jon zajaviŭ, što spačatku źbirajecca padać nahladnuju skarhu na imia staršyni Mienskaha haradzkoha sudu, a kali heta nie dapamoža, paskardzicca ŭ Viarchoŭny sud.
«Praca maja nie źviazanaja z raźjezdami, tamu nia dumaju, što «chatniaja chimija» budzie zanadta mnie zaminać u pracy, ale ŭ žyćci — tak, bo tam dastatkova šmat roznych abmiežavańniaŭ. Jany i maralna ciažkija. Niepryjemna, kali ciabie pilnujuć, jak złačyncu. Tamu budu sprabavać źmianić prysud, choć u našych umovach musić niešta zdarycca nadzvyčajnaje, kab na heta pajšli», — skazaŭ Andrej Bialaŭski.
-
Kala «Pieršaha nacyjanalnaha handlovaha doma» ŭ Minsku testujuć novyja śviatłafory FOTY
-
«Nakiravaŭ aŭtamabil u bok palicyjantaŭ». U polskaj prakuratury prakamientavali spravu sa stralboj pa biełarusie ŭ Polščy
-
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma11
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1919
Kamientary