Dziaŭčaty ź sindromam Daŭna z Vałožynščyny padzialilisia pieršymi FOTAzdymkami, na jakich jany vystupili ŭ jakaści madelaŭ
Napiaredadni Mižnarodnaha dnia čałavieka ź sindromam Daŭna, jaki śviatkujecca 21 sakavika, psichołah z Vałožyna Alena Ždaniuk prezientavała svoj prajekt «Asablivaja pryhažość», jaki daŭ mahčymaść Hańnie Raj i Nastaśsi Saŭčuk vystupić u jakaści madelaŭ upryhožvańniaŭ.
Pra prajekt Aleny my pisali raniej. Natchniŭšysia prykładam adnoj z samych viadomych madelaŭ ź sindromam Daŭna aŭstralijki Madelin Ściuart, jana zachacieła zrabić niešta padobnaje z našymi biełaruskimi dziaŭčatami. Znajšła ŭ rodnym horadzie pieršych achvotnych i zładziła ź imi fotasiesiju ŭ Minsku.
U jakaści prafiesijanała, jaki vučyŭ Hannu i Nastaśsiu, jak pravilna vieści siabie pierad kamieraj, vystupiła pieršaja biełaruskaja madel z DCP Anhielina Uelskaja.
«Hety prajekt — niezvyčajny prykład «mužnaści niedaskanałaści», jaki dazvalaje prymać siabie i navakolnych takimi, jakija jany jość. Nam usim treba zataicca ŭ čakańni — unutranaja svaboda udzielnic prajekta viadzie da pošukaŭ novaj pryhažości », — ličyć Anhielina.
U minuły raz my pakazvali vam bekstejdž sa zdymak, a ciapier dzielimsia prafiesijnymi fotazdymkami dziaŭčat.
Kamientary