Amierykanskaja kampanija prapanuje zamarozić vaš mozh zaraz dla stvareńnia jaho ličbavaj kopii ŭ budučyni
Startap Nectome, zasnavany daśledčykami z Masačusieckaha technałahičnaha instytuta, prapanuje «zamarozić» čałaviečy mozh razam z usioj infarmacyjaj, jakaja ŭ im zachoŭvajecca, kab potym abličbavać hetyja dadzienyja i ŭznavić čałaviečy rozum.
Jany raźličvajuć znajści kamiercyjnaje prymianieńnie raspracavanamu imi chimičnamu pracesu zachavańnia mozhu: padčas «zamarozki» (tak daśledčyki nazyvajuć praces uviadzieńnia ŭ orhan kompleksa śpiecyjalnych rečyvaŭ) jaho kletki praktyčna pieratvarajucca ŭ škło. Heta dazvalaje zachavać kanektam — «kartu» niejronavych złučeńniaŭ u mozhu.
Navukoŭcy raźličvajuć navučycca ličbavać varyjant «źlepki» niejronaŭ mozhu i adnaŭlać śviadomaści ludziej užo ŭ hetym stahodździ.
U lutym 2018 hoda stvaralniki Nectome užo praviali pieršuju demanstracyju technałohii «zamarozki» na čałaviečym mozhu, vykarystaŭšy cieła miortvaj žančyny, što achviaravała siabie dla navuki. Jany pačali praces zachavańnia mozhu praź dźvie hadziny paśla jaje śmierci, i na praciahu šaści hadzin ŭvodzili preparaty prama ŭ morhu.
Nastupnym etapam pavinna stać prymianieńnie pracedury na čałavieku, hatovym da eŭtanazii. Samo saboj, heta stvoryć vialiki rezanans i vykliča maštabnyja etyčnyja razvažańni, jak u vypadku z technałohijaj kłanavańnia čałavieka i mnohimi inšymi padobnymi sprečnymi z etyčnaha punktu hledžańnia raspracoŭkami.
Zasnavalnik prajekta Robiert Makintajr prakansultavaŭsia ź jurystami i miarkuje, što ekśpierymienty Nectome mohuć ličycca lehalnymi ŭ štatach, dzie dazvolenaja eŭtanazija. Darečy, užo ciapier viadomy košt pasłuhi: jon składzie $10 tysiač.
-
Ehaistyčnaja chramasoma ledź nie vyniščyła ludziej tysiačahodździ tamu. Padobna, jana viarnułasia — u marmonski štat Juta
-
Jak bot sa štučnym intelektam OpenClaw spačatku zachapiŭ śviet, a paśla trapiŭ pad zabarony i byŭ nazvany «kašmaram kibierbiaśpieki»
-
U Biełarusi prydumali, jak rabić žanočyja prakładki z kruchmału
Ciapier čytajuć
Łukašenka pra vyzvaleńnie palitviaźniaŭ: Chočuć zastacca ŭ Biełarusi — kali łaska6
Kamientary