U Homieli prajšła narada, na jakoj praanalizavali pryčyny suicydaŭ, jakija adbylisia ŭ 2017 hodzie.
Na naradzie prysutničali rabotniki Śledčaha kamitetu, prakuratury, milicyjanty, čynoŭniki i psichijatry.
Adznačajecca, što ŭ Homielskaj vobłaści kolkaść tych, chto skončyŭ žyćcio samahubstvam, bolšaja, čym kolkaść zahinułych ad inšych faktaraŭ.
«Svaju leptu ŭ sumnuju statystyku mahli ŭnieści «Sini kit» i inšyja destruktyŭnyja ruchi ŭ padletkavym asiarodździ, raspaŭsiudžvańnie jakich adnak ŭdałosia spynić dziakujučy ekstranym mieram i suładnaj pracy kampietentnych orhanaŭ i słužbaŭ», — paviedamlaje homielskaja prakuratura.
U svaim dakładzie prakuror Homielskaj vobłaści Viktar Marozaŭ pryvioŭ asobnyja fakty, kali miedycynskija rabotniki byli infarmavanyja pra sproby niekatorych asob źvieści rachunki z žyćciom i pry hetym nie pryniali naležnych mier da praduchileńnia, nie akazali ludziam nieabchodnaj psichijatryčnaj dapamohi.
«U ramkach praviedzienych pravierak prakurorskija rabotniki pa «telefonie davieru» telefanavali ŭ słužbu ekstranaj psichałahičnaj dapamohi. Vyśvietliłasia, što ŭ šerahu vypadkaŭ numary telefonaŭ terytaryjalnych centraŭ sacyjalnaha absłuhoŭvańnia nasielnictva nie isnavali. Časam tym, chto telefanavaŭ, prapanoŭvałasia źviarnucca ŭ płatnuju daviedkavuju słužbu, u inšych vypadkach čałavieku rekamiendavali zapisacca na pryjom da doktara», — paviedamlaje prakuratura.
Ciapier čytajuć
Kupla kvatery praz kaapieratyŭ zamiest ipateki: jak pracuje sistema, padobnaja da piramidy, i što kažuć udzielniki i ekśpiert1
Kamientary