U Polščy biełaruski dalnabojnik naśmierć źbiŭ dvaich kiroŭcaŭ, jakija vyśviatlali adnosiny na chutkasnaj trasie. Jamu pahražaje da vaśmi hadoŭ pazbaŭleńnia voli. Pra heta paviedamlaje Tut.by sa spasyłkaj na vydańnie DziennikPolski24.
Avaryja adbyłasia ŭ piatnicu, 9 lutaha, na aŭtamahistrali S8 pablizu horada Kševa-Starie (pad Biełastokam). Pa infarmacyi vydańnia, dva kiroŭcy nie padzialili darohu i dapuścili niaznačnaje sutyknieńnie aŭtamabilaŭ. Paśla hetaha jany spynilisia na chutkasnaj trasie i pačali bicca.
Kali mužčyny apynulisia na prajeznaj častcy darohi, ich źbiła fura, jakoj kiravaŭ hramadzianin Biełarusi. Ad atrymanych traŭmaŭ 29-hadovy žychar Krakava i 40-hadovy žychar horada Zambruva pamierli na miescy zdareńnia.
Pa fakcie avaryi pravodzicca rasśledavańnie. Pa słovach śledčych, kiroŭca fury nie parušaŭ PDR i nie mieŭ šancaŭ paźbiehnuć najezdu. Adnak prakuratura vystaviła jamu abvinavačańnie ŭ ździajśnieńni DTZ sa śmiarotnym zychodam, za što jamu moža pahražać da vaśmi hadoŭ pazbaŭleńnia voli. U viedamstvie taksama adznačyli, što nie źviartalisia ŭ sud dla zaklučeńnia kiroŭcy pad vartu, da jaho ŭžytaja miera strymańnia ŭ vyhladzie zakładu na sumu 4000 złotych (kala 1200 dalaraŭ).
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma12
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1919
Kamientary