Prakuraturaj Maskoŭskaha rajona stalicy raspačataja kryminalnaja sprava ŭ dačynieńni da dźviuch słužbovych asob KUP «ŽKH № 1 Maskoŭskaha rajona Minska», paviedamlaje MUS Biełarusi.
Kiraŭniki pradpryjemstva z asabistaj zacikaŭlenaści, kab paźbiehnuć pryciahnieńnia da materyjalnaj i dyscyplinarnaj adkaznaści za nievykanańnie mierapryjemstvaŭ, praduhledžanych Dziaržprahramaj ab sacyjalnaj abaronie i sadziejničańni zaniataści nasielnictva, damovilisia z kamiercyjnaj strukturaj pravieści fiktyŭnuju praceduru zakupki padjomnych płatformaŭ dla invalidaŭ i ich ŭstanoŭku ŭ padjezdach žyłych damoŭ, — raspaviała starejšy inśpiektar pa asabliva važnych spravach HUBEZ MUS Vieranika Paśmiećcieva.
Supracoŭniki ABEZ i prakuratury vyśvietlili, što raboty pa mantažy nie pravodzilisia, a biudžetnyja srodki ŭ vyniku niepravamiernych dziejańniaŭ kamunalnikaŭ byli rastračanyja.
«Kiraŭniki padpisali «lipavyja» tavarna-transpartnyja nakładnyja ab pastaŭlenych kamiercyjnym pradpryjemstvam padjomnych płatformach, a taksama fiktyŭnyja akty vykananych rabot. Hetyja dakumienty jany nakiravali va ŭpraŭleńnie dziaržaŭnaha kaznačejstva HU Ministerstva finansaŭ Respubliki Biełaruś pa h. Minsku, u vyniku čaho na raźlikovy rachunak biźniesmiena było pieraličana bolš za 120 tys. biełaruskich rubloŭ. A heta — pryčynieńnie dziaržavie škody ŭ bujnym pamiery, — udakładniła Vieranika Paśmiećcieva.
U dačynieńni da čynoŭnikaŭ zaviedzienaja kryminalnaja sprava pa č. 3 art. 424 KK Respubliki Biełaruś («Złoŭžyvańnie ŭładaj ci słužbovymi paŭnamoctvami»).
Ciapier čytajuć
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?15
Kamientary