Rasstreł zamiest pažyćciovaha. Abvieščany prysud vykanaŭcam dvajnoha zabojstva ŭ Minsku
Byłaja aktyvistka BRSM i vychavalnica dziciačaha sada Alina Šulhanava bližejšyja 12 hadoŭ praviadzie za kratami. Vykanaŭcy dvajnoha zabojstva na Alibiehava ŭ Minsku asudžany da śmiarotnaha pakarańnia.
U subotu, 20 studzienia, Minski haradski sud vynies prysud fihurantam spravy ab zabojstvie troch čałaviek. Viačasłaŭ Sucharka i Alaksandr Žylnikaŭ prysudžanyja da vyklučnaj miery pakarańnia — rasstrełu, Alina Šulhanava — da 12 hadoŭ pazbaŭleńnia voli. Prysud abvinavačanyja vysłuchali spakojna.
Sucharka i Žylnikaŭ pavinny vypłacić paciarpiełym 220 tysiač rubloŭ, Šulhanava — 40 tysiač. Prysud nie ŭstupiŭ u zakonnuju siłu i moža być abskardžany.
Napiaredadni dziaržabvinavaŭca zapatrabavaŭ dla abvinavačanych bolš surovaje pakarańnie, čym toje, jakoje ŭ hetym ža sudzie było abvieščana ŭ sakaviku 2017 hoda. Tady ŭsich traich pryznali vinavatymi. Za zabojstva, razboj, kradziež dakumientaŭ rabočych piłaramy Viačasłava Sucharku i Alaksandra Žylnikava prysudzili da pažyćciovaha źniavoleńnia, a vychavalnicu dziciačaha sada Alinu Šulhanavu — da 12 hadoŭ pazbaŭleńnia voli.
Adnak Viarchoŭny sud admianiŭ prysud, spravu adpravili na novy razhlad u toj ža Minski haradski sud.
Jašče ŭ pieršy dzień pracesu prakuror Siarhiej Krotaŭ adznačyŭ «miakkaść pryznačanaha pakarańnia Sucharku i Žylnikavu» i nie vyklučyŭ, što hetym razam moža być vyniesiena śmiarotnaje pakarańnie. Tak i vyjšła.
Pryčynaj trahiedyi, jakaja potym stała pradmietam razhladu kryminalnaj spravy, była reŭnaść 27-hadovaj vychavalnicy Aliny Šulhanavaj. Jana chacieła viarnuć byłoha chłopca i pravučyć supiernicu. Pavodle jaje zadumy, dziaŭčynu pavinny byli źbić. Adnak vykanaŭcy Viačasłaŭ Sucharka i Alaksandr Žylnikaŭ zabili paru. Dziaŭčynie było 24, jaje kachanamu 32.
Užo ŭ chodzie rasśledavańnia vyśvietliłasia: za niekalki dzion da dvajnoha zabojstva na vulicy Alibiehava ŭ Minsku, Sucharka i Žylnikaŭ z-za hrošaj zabili mužčynu ŭ Kałodziščach. Padčas sudovaha pracesu Viačasłaŭ Sucharka pavodziŭ siabie nieadekvatna, za što byŭ vydaleny z zały. Sprava słuchałasia bieź jaho prysutnaści, ale da hetaha jon źviarnuŭsia da sudździ z prośbaj prysudzić jaho da najvyšejšaj miery pakarańnia.
Ciapier čytajuć
Kvatery ŭ novabudoŭli ŭ centry Hrodna raspradali za ličanyja chviliny, ale tolki zirnicie, što tam nabudavali2
Kvatery ŭ novabudoŭli ŭ centry Hrodna raspradali za ličanyja chviliny, ale tolki zirnicie, što tam nabudavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłota ŭ Kranštacie4141
Kamientary