Rašeńnie Stakholmskaha arbitražnaha suda pa sprečcy «Naftahaza Ukrainy» i «Hazproma» źjaŭlajecca «histaryčnaj pieramohaj», zajaviŭ prezident Ukrainy Piatro Parašenka. Vynik suda maje «nadzvyčajnuju važnaść» z punktu hledžańnia nacyjanalnaj biaśpieki krainy, skazaŭ prezident. «Kali byŭ by projhryš u hetym sudzie, pierad Ukrainaj była b pramaja pahroza defołtu», — padkreśliŭ Parašenka padčas sustrečy z kiraŭnikom «Naftahaza» Andrejem Kobalevym.
Kiraŭnik «Naftahaza», u svaju čarhu, nazvaŭ vierdykt suda «stanoŭčym rašeńniem pa ŭsich punktach». «Cana była zavyšanaj, kantrakt byŭ niarynačny, jon byŭ padpisany na kabalnych umovach. I trybunał faktyčna ciapier heta ŭžo druhi raz paćvierdziŭ», — rastłumačyŭ jon.
Parašenka pavinšavaŭ kampaniju, urad i «ŭvieś narod Ukrainy» z tym, što «Ukraina navučyłasia abaraniać svaje intaresy, vykarystoŭvajučy jeŭrapiejskija sudy».
Pra rašeńnie suda pa sprečcy pamiž «Naftahazam» i «Hazpromam», što ciahnulisia z 2015 hoda, dźvie kampanii paviedamili raniej u piatnicu.
«Hazprom» i «Naftahaz» zajavili pra toje, što bolšaja častka patrabavańniaŭ kožnaj ź ich była zadavolena. Z rasijskaha boku padkreślili, što «Naftahaz» budzie vymušany vypłacić $2 młrd zapazyčanaści plus pracenty za praterminoŭku z 22 śniežnia, a taksama adbirać i apłačvać 5 młrd kub. m hazu pačynajučy z nastupnaha hoda.
U «Naftahazie» ž zajavili, što arbitraž «całkam adchiliŭ patrabavańni «Hazproma» pa pałažeńni «biary abo płaci» na sumu $ 56 młrd za 2009-2017 hady». Taksama sud źmienšyŭ abjomy abaviazkovych hadavych zakupak u budučyni. U kampanii zajavili pra «stanoŭčy efiekt» ad vierdykta «u pamiery bolš za $75 młrd».
Paźniej ukrainskaja kampanija taksama paviedamiła, što, zhodna z rašeńniem suda, jana nie abaviazanaja płacić za pastaŭki hazu ŭ DNR i ŁNR «luboj inšaj asobie, čym «Naftahaz». «Kali koratka: kamu «Hazprom» addavaŭ toj haz u ARDŁA (asobnyja rajony Danieckaj i Łuhanskaj abłaściej), toj jamu chaj i płacić», — padkreślili ŭ «Naftahazie».
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja22
Kamientary