Uładzimiru Miranoviču byŭ 61 hod. Na sajcie konsulstva Biełarusi ŭ Stambule paviedamlajecca, što śmierć była raptoŭnaj.
Miranovič naradziŭsia ŭ 1956 hodzie ŭ Brasłavie. Skončyŭ Politechničny instytut, a taksama Akademiju kiravańnia pry prezidencie.
U saviecki čas Miranovič realizoŭvaŭsia jak navukoŭca, pracavaŭ u Palitechu. Kali Biełaruś stała niezaležnaj dziaržavaj, jon pryjšoŭ na pracu ŭ Ministerstva ekanomiki.
Z prychodam da ŭłady Łukašenki pracavaŭ u Aparacie kabinieta ministraŭ. Na dypłamatyčnuju słužbu ŭpieršyniu trapiŭ u 1996 hodzie — staŭ daradcam pa handlova-ekanamičnych pytańniach pry pasolstvie Biełarusi ŭ Izraili. Takuju samuju pasadu jon zajmaŭ pry pasolstvie Biełarusi ŭ ZŠA (2003—2007) i Čechii (2010—2014).
Na pasadu hienieralnaha konsuła Biełarusi ŭ Stambule zastupiŭ letaś.
«Ja baču ŭ Stambule vialiki patencyjał; heta vielmi bujny pramysłovy, finansavy, kulturny, histaryčny centr. Tut pražyvaje kala 20 młn čałaviek, zasiarodžana mnostva finansavych centraŭ krainy, a tamu vielmi šmat mahčymaściaŭ dla raźvićcia supracoŭnictva z asacyjacyjami, asobnymi biźniesmienami i kampanijami», — kazaŭ jon pra svaje płany.
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ2
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary