Na vybarach akademikaŭ daśledčyk vajny Kavalenia pieramahaje historyka kamunizmu Babkova. A člen-karam maje stać Marzaluk
U Akademii navuk Biełarusi praciahvajucca vybary člen-karespandentaŭ i akademikaŭ.
Čytajcie: Žuraŭkoŭ, Vasilevič, Łukašaniec, Marzaluk… Chto pretenduje ŭ akademiki i členy-karespandenty?
Na pieršym etapie adbylisia pasiedžańni pa siami adździaleńniach — humanitaryi hałasujuć za humanitaryjaŭ, miedyki — za miedykaŭ i hetak dalej. A paśla zapłanavanaje zaćviardžeńnie pieramožcaŭ na ahulnym pasiedžańni. Jano zvyčajna pakidaje papiaredni vierdykt bieź źmienaŭ.
Jak stała viadoma «Našaj Nivie» ŭ spabornictvie na miesca akademika pa śpiecyjalnaści «Historyja» pieramohu atrymlivaje 71-hadovy były dyrektar Instytuta historyi, daśledčyk Druhoj suśvietnaj vajny Alaksandr Kavalenia. Jaho padtrymali dźvie traciny ŭdzielnikaŭ hałasavańnia. Tracina hałasoŭ u jaho kankurenta, 78-hadovaha historyka kampartyi Uładzimira Babkova.
Čytajcie: Jakija navukovyja pracy napisali pretendenty na zvańnie akademikaŭ pa śpiecyjalnaści «historyja Biełarusi»
Takim, čynam paśla aficyjnaha zaćviardžeńnia Kavaleni ŭ Biełarusi budzie dva akademiki-historyki.
Raniej u hetym śpisie byŭ tolki 77-hadovy Michaił Kaściuk, abrany ŭ 1996 hodzie.
U svoj čas jon abaraniŭ kandydackuju dysiertacyju pa temie «Pracoŭnaja aktyŭnaść kałhasnaha sialanstva Biełarusi ŭ pieryjad pieramohi i ŭmacavańnia sacyjalizmu (1933-1940 hady)», a taksama doktarskuju pra «Dziejnaść kampartyi Biełarusi pa idejna-palityčnym vychavańni sialanstva ŭ pieryjad budaŭnictva sacyjalizmu». Na pačatku 1990-ych Kaściuk, na toj čas dyrektar Instytuta historyi, byŭ układalnikam dvuchtomnika «Narysaŭ historyi Biełarusi», napisanaha z nacyjanalnaha punkta hledžańnia.
Člen-karespandentaŭ pa historyi taksama dvoje. Aproč, Babkova, heta 81-hadovy etnołah Michaił Pilipienka.
U 1970 hodzie jon abaraniŭ kandydackuju pa temie «Siamja i šlub u biełaruskich sialan u druhoj pałovie XIX - pačatku XX stahodździa». Doktarskaja dysiertacyja, abaronienaja ŭ 1991 hodzie, nazyvałasia «Uźniknieńnie Biełarusi (novaja kancepcyja)».
Aproč taho, ciapier u krainie źjavicca pieršy člen-karespandent pa archieałohii. Pa vynikach pasiedžańnia adździaleńniaŭ pieramahaje 49-hadovy deputat Pałaty pradstaŭnikoŭ, Ihar Marzaluk.
Jaho dysiertacyi byli pryśviečanyja nastupnym temam: «Mahiloŭ u XII—XVIII stst. (pa materyjałach archieałahičnaha daśledavańnia i piśmovych krynic)» i «Etnakanfiesijnyja i sacyjakulturnyja stereatypy nasielnictva biełaruskich ziamiel u X—XVII stst.)»
Marzaluk padčas papiaredniaha hałasavańnia abyšoŭ dvaich inšych pretendentaŭ.
70-hadovaja Volha Laŭko — suaŭtarka pracy «Vytoki biełaruskaj dziaržaŭnaści: Połackaja i Viciebskaja ziemli ŭ IX — XVIII stahodździach». Alaksandr Łukašenka nazvaŭ taki padychod da historyi «zdarovym nacyjanalizmam».
A 86-hadovy Piotr Łysienka viadomy jak viadučy archieołah Paleśsia.
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary