Sprava Vasila Parfiankova: puskali papiarovyja samalociki ci bilisia z palicyjaj?
«Naša Niva» pisała pra zatrymańnie ŭ Kijevie byłoha palitviaźnia Vasila Parfiankova, jaki razam z tavaryšami budavaŭ barykady i biŭsia sa śpiecnazam u Śviatašynskim sudzie. Heta adbyłosia padčas suda nad lidaram Arhanizacyi ŭkrainskich nacyjanalistaŭ Mikołam Kachanoŭskim.
Uviečary taho ž dnia Parfiankoŭ byŭ adpuščany na volu, chacia i mocna źbity śpiecnazaŭcami. Niekatorych z udzielnikaŭ toj bojki źmiaścili pad chatni aryšt.
Ukrainskaja pravaabaronca Taćciana Bliźniuk maje inšy pohlad na hetyja padziei, jaki adroźnivajecca ad aficyjnaha. Čamu adbyłasia bojka pamiž Kachanoŭskim i Rusłanam Kačmałaj?
Bliźniuk piša, što hrupa «prymusarskich [vidać, majecca na ŭvazie MUS Ukrainy] hopnikaŭ teraryzuje pierasialencaŭ na ŭskrajku Kijeva». Kachanoŭski ž sprabavaŭ niejak abaranić hetych ludziej. Na jaje dumku, mienavita tamu adbyŭsia napad na lidara AUN.
Ludzi z AUN vyrašyli, što dalejšaje ŭtrymańnie Kachanoŭskaha pad vartaj niezakonnaje, tamu patrabavali jahonaha vyzvaleńnia. Nie dali zavieźci nazad u SIZA, ale i nie vyvodzili z budynka suda, kab nie padumali, što heta ŭcioki.
«Ludzi zastalisia ŭ zale. Chiba da dźviarej padsunuli barykadu z mebli, kresłaŭ i stałoŭ. I ŭsie bačyli strym, što ŭsio prachodziła dosyć mirna. Ludzi siadzieli i puskali adzin u adnaho papiarovyja samalociki dziela zabavy. Vyjści z suda było nielha. Zajści nazad — nie puskali. U prybiralniu — taksama. Nu ničoha», — piša Bliźniuk.
Paśla hetaha, pa słovach Bliźniuk, u zału sadu stali puskać ślezaciečny haz. I tolki tady bajcy AUN vyłomvali šyby, kab niečym dychać.
Sam Kachanoŭski ciapier budzie znachodzicca pad chatnim aryštam, na jaho nadzienuć elektronny branzalet.
Ciapier čytajuć
«Źnik bieź źviestak» vielmi małady biełaruski najomnik12
«Źnik bieź źviestak» vielmi małady biełaruski najomnik
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny77
Kamientary