I BATE taksama. Apanenty na Lizie čempijonaŭ praviali matčy nacyjanalnych pieršynstvaŭ. Najcikaviej było ŭ niadzielu ŭ Madrydzie.
Madrydzki «Reał» -- BATE ź im hulać užo ŭ sieradu - sa skrypam na chatnim stadyjonie «Sanćjaha Bernabeu» pieramoh navička «prymiery» saryjskuju «Numansiju» - 4:3.
Pryčym karaleŭski klub dvojčy sastupaŭ pa chodzie hulni - 0:1, 1:2.
«Reał» vyjšaŭ na matč u nastupnym składzie: Kasiljas, Salhada, Pepe, Metcelder, Marseła, Dyjara, Raben, Ihuain (Drente, 83), van der Vart (De la Red, 69), Huci, van Nistelroj (Raul, 69).
Isnuje mierkavańnie, što pieramožny skład nie mianiajuć, tamu mienavita hetych hulcoŭ my možam pabačyć paślazaŭtra ŭ matčy suprać BATE.
Darečy, Huci jaki ŭzraŭniaŭ lik (1:1), zabiŭ 5 000 miač «Reała» ŭ čempijanatach Hišpanii.
Turynski «Juventus» pieramoh na svaim poli «Udzineze». Adziny hoł na rachunku Amaury.
Picierski «Zienit» u haściach razhramiŭ hroźnienski (nu nie džachar-halski ž) «Cierak» - 1:4 (Aršavin, Kryžanac, Pahrabniak, Zaraniaŭ).
Stadyjon u Hroznym dyskvalifikavany, i matč prachodziŭ u Machačkale. Darečy, cierakski klub chacieŭ jaho pravieści ... va Ŭładyvastoku, na što trenier piciercaŭ Dzik Advakat paryravaŭ, davajcie adrazu ŭ Łos-Andžełasie.
Heta, darečy, nia ŭsie metady "Cieraka". Pierad matčam słužby stadyjona ŭ Machačkale na 4 metry zvuzili pole.
«Zienit» zaraz u čempijanacie Rasiei zajmaje 7-je miesca, adstajučy ad lidera čempijanatu kazanskaha «Rubina» na 14 punktaŭ.
17 vieraśnia «Zienit» hulaje akurat u Turynie z «Juventusam».
BATE taksama vyjhraŭ, u haściach u navapołackaha «Naftana» - 1:2 i viarnuŭ sabie pieršaje miesca ŭ čempijanacie.
Zaraz barysaŭski klub apiaredžvaje MTZ-RIPA na adzin punkt.
Prykraja navina pryjšła ŭ sieradu z Barselony.
U matčy suprać «Rasinha» atrymaŭ traŭmu biełaruski paŭabaronca adnajmiennaha kluba Alaksandar Hleb,i jon byŭ zamienieny na 38-j chvilinie.
Pavodle pesimistyčnych prahnozaŭ, Alaksandar prapuścić 3-4 tydni. Takim čynam biełarus dakładna nia zmoža zhulać zaŭtra, u aŭtorak, u matčy Lihi čempijonaŭ suprać lisabonskaha «Sportynha».
Hety matč pakaža ŭ žyvym etery BT. Pačatak a 21:45.
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?15
Kamientary