Panasonic prezientavała ŭnikalnuju pryładu dla padliku kałoryj u luboj stravie
Na vystavie CEATEC 2017 u Tokia kampanija Panasonic prezientavała kancept, jaki budzie karysny ŭsim prychilnikam zdarovaha charčavańnia. Pryłada pad nazvaj CaloRieco zdolnaja bieskantaktna vymiarać kałaryjnaść luboje stravy.
Pryncyp pracy pryłady nastupny: unutr prybora źmiaščajecca talerka z hatovaj stravaj, viečka začyniajecca. Praz prykładna 10 siekund pryłada vydaje ŭsiu nieabchodnuju infarmacyju: vahu, kałaryjnaść, kolkaść białkoŭ, tłuščaŭ i vuhlavodaŭ.
Roznyja inhredyjenty adlustroŭvajuć infračyrvonyja pramiani pa-roznamu. Mienavita takim čynam razumnaja pryłada ich identyfikuje.
CaloRieco parekamienduje stravy i pradukty, jakija možna ŭžyć, kab nie pakutavać ad hoładu i nie vychodzić z normy kałoryj. Jon maje dostup da vialikaj bazy receptaŭ.
Hety prybor spatrebicca tym, chto vymušany padličvać kałoryi z-za roznych zachvorvańniaŭ (naprykład, tym, chto chvory na cukrovy dyjabiet), a taksama spartsmienam i tym, chto znachodzicca na dyjecie.
Pra toje, kali CaloRieco moža pastupić u prodaž i pa jakim košcie, pakul nie paviedamlajecca.
Ciapier čytajuć
«Kazaŭ, što źniščyć mianie, bo ŭ jaho suviazi i pahony». Byłaja žonka vajuje z padpałkoŭnikam. Taho panizili da ŭčastkovaha6
Kamientary