Apazicyjny rasijski palityk Alaksiej Navalny anansavaŭ praviadzieńnie ŭsierasijskaj akcyi pratestu na 7 kastryčnika. Štaby Navalnaha ŭ 80 haradach arhanizujuć pikiety, a hałoŭnaje mierapryjemstva projdzie na Marsavym poli ŭ Sankt-Pieciarburhu, skazana ŭ błohu palityka.
U Maskvie była padadzienaja zajaŭka na mitynh na Puškinskaj płoščy, ułady horada jaje adchilili, nie prapanavaŭšy alternatyŭnaj placoŭki, piša DW.
Hetuju admovu Navalny nazvaŭ niezakonnaj: «A značyć, znoŭ u poŭnaj adpaviednaści z pastanovaj Kanstytucyjnaha suda Rasii my vychodzim na Ćviarskuju ŭ 14.00 jak na sankcyjanavanaje i całkam lehalnaje mierapryjemstva. Luby punkt Ćviarskoj vulicy ad Puškinskaj da Maniežnaj. Chočacie — stojcie, chočacie — idzicie, chočacie — lažycie, chočacie — śpiavajcie».
Simvolika akcyi — ściah Rasii, patrabavańni — palityčnaja kankurencyja i dopusk Navalnaha i inšych kandydataŭ na vybary.
«Bručkavy prafiesar Pucin chaj pačuje heta i idzie ŭžo na zasłužanuju piensiju. Jon byŭ va ŭładzie 18 hadoŭ, hetaha dastatkova», — skazana ŭ błohu apazicyjaniera. 7 kastryčnika — dzień narodzinaŭ rasijskaha prezidenta Uładzimira Pucina, jamu spoŭnicca 65 hadoŭ.
Navalny i jaho paplečnik Leanid Vołkaŭ 2 kastryčnika byli aryštavanyja na 20 sutak «za nieadnarazovyja parušeńni arhanizacyi praviadzieńnia mitynhaŭ i demanstracyj».
Ciapier čytajuć
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?14
Kamientary