Sustaršynia Biełaruskaj chryścijanskaj demakratyi Pavał Sieviaryniec razam z paplečnikami jedzie ŭ Voršu, kab pravieryć, ci rušyła ŭ Biełaruś asobnaja tankavaja bryhada z Padmaskoŭja.
«U ich vučeńni — tryvoha, pravierka. I ŭ nas vučeńni — tryvoha, pravierka», — zajaviŭ Sieviaryniec «Svabodzie».
Jon padkreśliŭ, što źbirajecca jechać, bo dapuskaje sytuacyju, što Ministerstva abarony Biełarusi nia viedaje pra dziejańni Maskvy.
«Pakul niama aficyjnaj infarmacyi ad rasiejskaha vajskovaha viedamstva, što heta niapraŭda. Kali takaja infarmacyja źjavicca, to raźvierniemsia i budziem dumać, što heta było vyprabavańnie nervaŭ kiraŭnictva Biełarusi. Chacia heta vyhladaje zusim kiepska. Što heta za zajavy ministerstva abarony Rasiei, pra jakija nia viedaje biełaruskaje ministerstva padčas sumiesnych vučeńniaŭ? Što, my pavinny rabić vyhlad, što ničoha nie adbyvajecca?»
Sieviaryniec ličyć, što tanki mohuć zavieźci ŭ Biełaruś praz čyhunku ci trasaj M1. Mienavita tamu Vorša — punkt, dzie zručniej za ŭsio pilnavać vajskovuju techniku.
«My zaraz źviazvajemsia z aršanskimi aktyvistami, prosim vystavić naziralnikaŭ, jakija sačyli b za sytuacyjaj na trasie M1 i na čyhuncy», — skazaŭ Sieviaryniec.
Što aktyvisty buduć rabić, kali sapraŭdy sustrenuć tanki, Sieviaryniec pakul nia viedaje:
«Budziem hladzieć na sytuacyju. Ale kali Ministerstva abarony Biełarusi nia viedaje, što heta za tanki, to heta vajskovaja ahresija z usimi nastupstvami».
Infarmacyja pra toje, što rasiejskija tanki, nie praduhledžanyja rehlamentam vučeńniaŭ «Zachad-2017», padniatyja pa tryvozie i rušyli ŭ Biełaruś, źjaviłasia ŭdzień 14 vieraśnia. Paźniej Ministerstva abarony Biełarusi zajaviła, što «rasiejski składnik vučeńniaŭ užo znachodzicca ŭ Biełarusi i dadatkova nikoha nie čakajuć».
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary