600 tysiač dalaraŭ u dachod dziaržavy. Sud vynies vyrak top-mieniedžaram Biełarusbanka
Byłoha pieršaha namieśnika staršyni praŭleńnia Biełarusbanka Hienadzia Haspadaryka prysudzili da 7,5 hadoŭ pazbaŭleńnia voli, načalnika ŭpraŭleńnia banka Mikałaja Cyrto - 9 hadoŭ. U abodvuch kanfiskujuć majomaść.
Praces pa hučnaj spravie doŭžyŭsia amal dva miesiacy. U piatnicu, 8 vieraśnia, sud Centralnaha rajona Minska abviaściŭ prysud dvum fihurantam. Byłoha pieršaha namieśnika staršyni praŭleńnia Biełarusbanka Hienadzia Haspadaryka pryznali vinavatym u atrymańni chabaru ŭ asabliva bujnym pamiery, złoŭžyvańni słužbovymi paŭnamoctvami i prysudzili da 7,5 hadoŭ pazbaŭleńnia voli ŭ kałonii va ŭmovach ŭzmocnienaha režymu.
Načalnik upraŭleńnia banka Mikałaj Cyrto taksama pryznany vinavatym. Abvinavačvańnie jamu było pradjaŭlena pa č. 2 art. 431 KK «Dača chabaru» i č. 2 art. 431 «padbuchtorvańnie da dačy chabaru». Pa pryhavory suda pieršaj instancyi bližejšyja 9 hadoŭ jon praviadzie za kratami. Akramia taho, u byłych top-mieniedžaraŭ Biełarusbanka budzie kanfiskavana majomaść.
Pa vyraku suda ŭ Hienadzia Haspadaryka budzie kanfiskavana 2 fłeški, 3 mabilnyja telefony 1300 jeŭra, 586 maniet, kaštoŭnyja mietały, 10 tysiač akcyj Biełarusbanka, mašyna BMV, a taksama hrošy, jakija znachodziacca na rachunkach u roznych bankach i na kartkach (dakładnaja suma nie była ahučana). Taksama sud pastanaviŭ, što z kvatery, dvuch aŭtamabilaŭ Chonda, ziamielnaha ŭčastka budzie źniaty aryšt, jaki byŭ nakładzieny padčas śledstva. Haspadaryk abaviazany vypłacić u dachod dziaržavy 387 tysiač rubloŭ i 19 tysiač - u jakaści dziaržaŭnaj pošliny.
U Mikałaja Cyrto kanfiskoŭvajuć płanšet, fłešku, 5 tysiač akcyj Biełarusbanka, hrošy ŭ Biełarusbanku (suma taksama nie ŭdakładniajecca), kvateru ŭ Połacku, adnakvaterny žyły dom u Viciebskaj vobłaści, kvatera pa pr. Niezaležnaści i dva aŭtamabili. A voś z kvatery ŭ Minsku pa vuł. Ščorsa i z kvatery ŭ Kałodziščach aryšt budzie źniaty. Cytro abaviazany vypłacić dziaržavie 787 tysiač biełaruskich rubloŭ i 39 tysiač u jakaści dziaržaŭnaj pošliny.
Ciapier čytajuć
«Škada, što ludzi mianie ličać takim idyjotam». Dziadok raskazaŭ, jak jaho zmahli vysačyć paśla piaci miesiacaŭ padpolla5
Kamientary