Kiraŭnik Čačni Ramzan Kadyraŭ, jaki zajaviŭ pra hatoŭnaść pajści nasupierak pazicyi Rasii ŭ vypadku niežadańnia asudzić pieraśled musulman u Mjanmie, padziakavaŭ Uładzimiru Pucinu za jaho słovy pra situacyju ŭ hetaj krainie. Adpaviedny post jon apublikavaŭ u svaim Telegram-kanale ŭ paniadziełak, piša lenta.ru.
«Ja nieadnarazova zajaŭlaŭ, što źjaŭlajusia viernym piechacincam našaha prezidenta, hatovy vykanać zahad luboj składanaści viarchoŭnaha hałoŭnakamandujučaha i addać svajo žyćcio», — napisaŭ Kadyraŭ.
Tych, chto «interpretuje maje słovy i kpiać z zabojstva niavinnych ludziej», kiraŭnik paŭnočnakaŭkazskaj respubliki acharaktaryzavaŭ jak ludziej, jakija «znachodziacca ŭ hłybokaj maralnaj jamie».
Jon zajaviŭ, što ŭ svaich dziejańniach u pieršuju čarhu kirujecca «normami pavodzinaŭ praŭdzivaha musulmanina», u dadzienym vypadku — abaraniajučy tych, chto maje patrebu ŭ dapamozie. «U svaim žyćci ja bajusia tolki Ałacha», - adznačyŭ Kadyraŭ.
Raniej u paniadziełak kiraŭnik Čačni nazvaŭ šajtanami arhanizataraŭ «hienacydu musulman» u Mjanmie, dzie byli zabityja niekalki socień pradstaŭnikoŭ etničnaj mienšaści krainy, naroda rachindža, i zaklikaŭ ich praklinać. «Kali navat Rasija budzie padtrymlivać tych šajtanaŭ, jakija ździajśniajuć złačynstvy, ja suprać pazicyi Rasii», - padkreśliŭ jon.
Aficyjny pradstaŭnik Kramla Dźmitryj Piaskoŭ admoviŭsia kamientavać hetuju zajavu, patłumačyŭšy, što nie paśpieŭ detalova ź joj aznajomicca. Razam z tym, kažučy ab vynikach pieramoŭ kiraŭnika rasijskaj dziaržavy ź jehipieckim kaleham Abdułoj-Fatacham Chaliłam as-Sisi, jon paviedamiŭ, što Uładzimir Pucin asudziŭ hvałt u Mjanmie i zaklikaŭ jaje ŭłady ŭziać situacyju pad kantrol.
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek4
Kamientary