Praanalizavaŭšy historyju evalucyi kvietkavych raślin, bijołahi vyśvietlili, što pieršyja kvietki Ziamli byli bolš za ŭsio padobnyja na biełyja lilei pa svajoj formie i rasfarboŭcy, havorycca ŭ artykule, apublikavanym u časopisie Nature Communications.
Apyleńnie kvietak pry dapamozie nasiakomych u abmien na porcyi niektaru i inšaj ježy dapamahło sučasnym raślinam chutka vycieśnić sahoŭniki, paparać i inšyja hołanasiennyja raśliny, jakija spadziavalisia na viecier u apyleńni i raznosie svajho nasieńnia.
Vynikam daśledavańnia navukoŭcaŭ z Aŭstryi stała virtualnaja kvietka, jakaja, jak ličać daśledčyki, vielmi padobnaja na tyja kvietki, jakija ŭpieršyniu raśćvili na pavierchni Ziamli prykładna 100 miljonaŭ hadoŭ tamu. Pa svaim vonkavym vyhladzie jana padobnaja na mnohija sučasnyja raśliny, ale maje niekalki ŭnikalnych rysaŭ, jakija adroźnivajuć jaje ad usich isnujučych siońnia kvietak.
Hetyja kvietki vałodali piaćciu pieścikami, zakručanymi ŭ zavitki, dziesiaćciu tyčynkami, a taksama niekalkimi naborami pialostkaŭ i čašaliścikaŭ, jakija byli abjadnanyja ŭ «trojki» i pafarbavanyja ŭ bieły koler. Padobnuju strukturu majuć siońnia kvietki lilej i trylij, adzinaje, što ŭ ich nie piać, a try pieściki i šeść tyčačak.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary