Alesiu Čacholskamu z KCHP BNF admianili štraf u 30 bazavych vieličyń, jaki Frunzienski rajonny sud vynies aktyvistu za mitynh u Kurapatach 3 sakavika. Rašeńnie admianić štraf i pieradać spravu na novy razhlad u toj ža Frunzienski rajonny sud 13 červienia vynies sudździa Mienskaha harsudu Aleh Ziamcoŭ.
«Padčas razhladu majoj spravy ŭ Frunzienskim rajonnym sudzie było šmat pracesualnych parušeńniaŭ, na ich ja ŭkazaŭ padčas razhladu skarhi. Dla mianie niečakana, što sudździa prysłuchaŭsia da maich dovadaŭ, choć nie vyklučaju, što novy razhlad spravy daść inšy vynik, ale i toje dobra», — skazaŭ u kamentary dla Svabody Aleś Čacholski.
3 sakavika pobač z Kurapatami adbyŭsia mitynh z nahody rašeńnia firmy- zabudoŭnika admovicca ad uźviadzieńnia tut ofisnaha budynku. Paźniej šmat kaho z udzielnikaŭ pratestavaha lahiera i tych, chto pryjechaŭ na mitynh, pakarali štrafami, lideraŭ abarony Źmitra Daškieviča i Siarhieja Palčeŭskaha aryštavali. Aktyvist KCHP BNF Aleś Čacholski — adzin z tych, chto asprečyŭ pastanovu rajonnaha sudu adnosna akcyi ŭ Kurapatach u mienskim haradzkim sudzie.
U lutym Aleś Čacholski byŭ pieršym, chto paviedamiŭ Svabodzie, što pobač z Kurapatami pačałasia budoŭla ofisnaha centru. Nieŭzabavie da aśviatleńnia padziej vakoł budoŭli kala Kurapataŭ padklučylisia inšyja ŚMI, pačalisia stychijnyja akcyi pratestu hramadzkich aktyvistaŭ i prostych hramadzianaŭ, pobač z budoŭlaj uźnik lahier abaroncaŭ Kurapat. 2 sakavika stała viadoma, što budoŭla ofisnaha centru prypyniajecca, praź dzień zabudoŭniki ŭvohule admovilisia ad budoŭli.
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje1
Kamientary