«U kožnym ciele jość seksualnaść». Niu-fotasiesija pieršaj biełaruskaj madeli z DCP
Anhielina Uelskaja (pracuje taksama pad psieŭdanimam Anioł Uelsa) praciahvaje zavajoŭvać madelny biznes i raźbivać stereatypy. Jana — pieršaja ŭ našaj krainie, chto, majučy taki dyjahnaz, prakładvaje sabie šlach u industryju pryhažości.
Dziaŭčyna raspranułasia, kab dakazać, što skažonaje paraličam cieła zdolnaje być pryhožym i seksualna pryvabnym. «My prymajem źniešnija niedaskanałaści jak jašče adnu hodnaść čałaviečaj asoby. Miljony dziaŭčat i žančyn ź invalidnaściu pa ŭsim śviecie pavinny zrazumieć: ich niedaskanałaści spryjajuć harmaničnamu ŭsprymańniu cełaha. Mnie kryŭdna za dziaŭčat z DCP i ź inšaj invalidnaściu. Jany saromiejucca siabie, a pad saramlivaściu chavajuć žadańnie być pryvabnaj i seksualnaj. Jak praviła, chłopcy na postsavieckaj prastory paźbiahajuć dziaŭčat ź invalidnaściu, a ŭžo pra toje, kab zavieści ź imi adnosiny i havorki nie idzie. Naša fotasiesija pakazvaje: u kožnym ciele jość seksualnaść. Pryjšoŭ čas vyjści ź cieniu i pakazać inšuju pryhažość!», — piša Tut.by.
Anhielina dasłała hetyja fotazdymki ŭ łondanskaje ahienctva «Models of Diversity» i atrymała dobryja vodhuki. Svaim prykładam jana choča natchnić astatnich dziaŭčat z adroznymi mahčymaściami nie bajacca vychodzić u śviet, dasiahać metaŭ i lubić siabie.
Ciapier čytajuć
Łukašenka: biez halštuka ŭ razmovach z pasłańnikami Trampa, u halštuku z rasijskimi hubiernatarami5
Kamientary