Śpiecyjalisty kampanii Check Point apublikavali spravazdaču, u jakoj havorycca pra virus z novaj technałohij raspaŭsiudu praz subcitry da filmaŭ. Pad pahrozaj zaražeńnia znachodzicca kala 200 miljonaŭ karystalnikaŭ.
Śpiecyjalisty adznačajuć, što vyjaŭlenaja imi ŭraźlivaść źviazanaja z pracesam apracoŭki subcitraŭ u papularnych miedyjaprajhravalnikach, u pryvatnaści VLC, Kodi (XBMC), Popcorn Time i Stremio. Pad pahrozaj zaražeńnia znachodziacca kampjutary, mabilnyja pryłady i navat smart-televizary 200 miljonaŭ karystalnikaŭ.
Usiaho isnuje kala 25 farmataŭ subcitraŭ. Sposaby, jakimi ź imi ŭzajemadziejničajuć prajhravalniki, časta niebiaśpiečnyja. Kali zamianiać fajły subcitraŭ na niebiaśpiečnuju virusnuju prahramu, to płejer usio roŭna adkryje jaho i tym samym zmoža nanieści vialikija straty pryładzie achviary, zaniosšy škodnasnaje PZ ci daŭšy złamyśnikam kantrol nad tym ci inšym devajsam.
Jak praviła, bolšaść fajłaŭ z subcitrami stvarajucca samimi karystalnikami i vykładvajucca na śpiecyjalizavanych sajtach nakštałt Opensubttiles.org. Tam jany indeksujucca i kłasifikujucca ŭ adpaviednaści z karystalnickimi rejtynhami.
Heta daje łžyvaje adčuvańnie biaśpieki. Karystalnikam sajta zdajecca, što jany zapampoŭvajuć pravieranuju viersiju subcitraŭ. Ale čaściakom heta nie tak, i ałharytmy ranžavańnia možna abyści, kab vyvodzić škodnasnyja fajły ŭvierch śpisu.
Z-za hetaha złamyśnik moža rabić z pryładaj achviary ŭsio, što zaŭhodna — ad kradziažu kanfidencyjnaj infarmacyi da błakavańnia i vymahalnictva hrošaj.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary