Dziciačaha treniera pa spartyŭnaj aerobicy ź Minska prysudzili da 15 hadoŭ pazbaŭleńnia voli za «hvałtoŭnyja dziejańni seksualnaha charaktaru» i «vyrab i raspaŭsiudžvańnie parnahrafičnych materyjałaŭ». U 45-hadovaha asudžanaha kanfiskujuć majomaść.
— Kali ščyra, da hetaha času ŭ šoku, choć z momantu zatrymańnia Michaiła Vasiljeva (imia źmienienaje. — TUT.BY) prajšło paŭtara hoda. Nie mahu pavieryć, što jon moh takoje zrabić. Hety čałaviek adrazu pryvodziŭ na zaniatki syna, potym atrymaŭ druhuju vyšejšuju adukacyju va ŭniviersitecie fizičnaj kultury, staŭ kvalifikavanym trenieram, a praź miesiac jaho zatrymali, — raspaviadaje TUT.BY kaleha asudžanaha minčuka.
U sakaviku sud Kastryčnickaha rajona Minska pryznaŭ treniera pa spartyŭnaj aerobicy vinavatym pa niekalkich artykułach Kryminalnaha kodeksa: č. 3 art. 167 «Hvałtoŭnyja dziejańni seksualnaha charaktaru», č. 2 art. 328 «Niezakonny z metaj zbytu abarot narkatyčnych srodkaŭ», č. 3 art. 343-1 «Vyrab i raspaŭsiud parnahrafičnych materyjałaŭ». Jaho prysudzili da 15 hadoŭ pazbaŭleńnia voli z adbyvańniem pakarańnia ŭ papraŭčaj kałonii va ŭmovach ŭzmocnienaha režymu z kanfiskacyjaj majomaści. Usie sudovyja pasiadžeńni prachodzili ŭ zakrytym režymie, bo sprava tyčyłasia niepaŭnaletnich dziaŭčynak.
Hetaja historyja pačałasia vosieńniu 2015 hoda. Na zaniatki pa spartyŭnaj aerobicy ŭ dziciačy centr upieršyniu pryjšła 6-hadovaja dziaŭčynka. Praz dva tydni jaje treniera Michaiła Vasiljeva zatrymali va ŭłasnaj kvatery. Potym vyśvietliłasia: baćki dziaŭčynki napisali zajavu ŭ Śledčy kamitet, bo trenier intymna dakranaŭsia da ich dački. Praź niekatory čas źjaviłasia jašče niekalki zajaŭ ad inšych baćkoŭ. Kolki ŭsiaho paciarpiełych prachodziła pa spravie, u sudzie nie zmahli ŭdakładnić, bo «raźbiralnictva pravodziłasia ŭ sudovym zakrytym pasiadžeńni».
Jak daviedaŭsia TUT.BY, fihurantu kryminalnaj spravy 45 hadoŭ, byŭ žanaty, vychoŭvaje 11-hadovaha syna. Trenier pa spartyŭnaj aerobicy ŭ minułym spartoviec, pracavaŭ strachavym ahientam, ale ŭ 2015 hodzie paśla atrymańnia dypłoma ŭładkavaŭsia ŭ dziciačy centr. Paśla zatrymańnia ŭ jaho znajšli dziciačuju parnahrafiju i narkotyki.
Prysud nie ŭstupiŭ u zakonnuju siłu i moža być abskardžany.
Ciapier čytajuć
Jak skłaŭsia los Jany Pačyckaj — dziaŭčyny, jakuju zatrymlivali razam z Kanavałavym i Kavalovym pa spravie ab terakcie ŭ mietro7
Kamientary