U čaćvier u centry Kijeva aktyvisty «Pravaha siektara» i «Svabody» spynili raboty pa razmaloŭcy arki Družby narodaŭ, paviedamlaje InfoResist.
Jak zajaviŭ śpikier «Pravaha Siektara» Arciom Skarapadski, takoje ŭpryhožvańnie arki — heta prychavanaja prapahanda ŁHBT.
«My nie zhodnyja z hetymi tak zvanymi ŭpryhažeńniami, u dvukośsi, jakija tam robiacca. Tamu što heta prychavanaja prapahanda ŁHBT, choć arka Družby Narodaŭ, viadoma, sastareły pomnik, nie asabliva patrebny, jon uvachodzić u śpis nacyjanalnych pomnikaŭ, što tam mianiać, heta prosta supraćzakonna. Hetyja pracy nie byli ŭzhodnienyja z supolnaściu, heta prosta valuntarysckaje rašeńnie kijeŭskaj meryi dla taho, kab spadabacca Jeŭropie», — skazaŭ jon.
«My tudy pryjechali, zabłakavali ŭsie, što tam adbyvajecca, vyklikali palicyju, napisali zajavu, što tam adbyvajucca niezakonnyja dziejańni. Kali ŭłada tak choča ŭpryhožyć hetuju arku da «Jeŭrabačańnia», to chaj ŭpryhožyć jaje narodnymi arnamientami abo niečym jašče. A kali ŭsio budzie praciahvacca, to my budziem vykarystoŭvać tyja mietady, jakija prapisanyja ŭ Kanstytucyi», — dadaŭ śpikier PS.
Skarapadski taksama padkreśliŭ, što ich nie zadavalniaje prapahanda ŁHBT.
«Nas nie zadavalniaje prapahanda ŁHBT, kali siudy pryjedzie vialikaja kolkaść ludziej z usich kutkoŭ Jeŭropy, to kijeŭskaja ŭłada sprabuje pazicyjanavać Ukrainu i ŭkrainskuju stalicu jak stalicu raspusty. Biezumoŭna, nas heta nie zadavalniaje. My adkryta pra heta kažam. My vydatna bačym, što toj ža samy arhanizatar «Kijeŭ Prajdu—2017» (ŁHBT-paradu), jany sfatahrafavali hetuju štuku i vykłali ŭ fejsbuku jak vokładku svajho mierapryjemstva», — zajaviŭ jon.
Razam z tym padradčyk, jaki «madernizuje» arku, časova prypyniŭ pracy da zaŭtra. Śpiectechnika, jakaja była zadziejničanaja dla abnaŭleńnia arki, pakinuła miesca prac. «Budziem čakać rašeńnie KMDA», — paviedamiŭ padradčyk.
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja17
Kamientary