Šunievič abjadnaje tysiačy kamier videanazirańnia i datčykaŭ va ŭsioj krainie ŭ adzinuju sietku

Respublikanskuju sistemu manitorynhu hramadskaj biaśpieki vyrašana stvaryć u Biełarusi. Pra heta paviedamiŭ siońnia žurnalistam ministr unutranych spraŭ Ihar Šunievič pa vynikach dakładu Alaksandru Łukašenku.

Pavialičyć

«Kiraŭnik dziaržavy pryniaŭ našu prapanovu ab tym, što takaja sistema darečnaja i nieabchodnaja ŭ luboj cyvilizavanaj dziaržavie, i daručyŭ dadatkova prapracavać šerah aśpiektaŭ, źviazanych z praktyčnaj realizacyjaj prajekta. U pieršuju čarhu heta, viadoma ž, pytańni, źviazanyja z vybaram apieratara, jaki budzie hienieravać ŭsie idei i ažyćciaŭlać praktyčnuju realizacyju, pačynajučy ad kupli «žaleza» i zakančvajučy ekspłuatacyjaj. My atrymali adpaviednyja ŭkazańni i budziem dapracoŭvać hety prajekt ukaza mienavita z punktu hledžańnia pryŭniasieńnia nacyjanalnych asablivaściaŭ i mahčymaściaŭ našaj dziaržavy dla realizacyi hetaha prajekta», — raspavioŭ Ihar Šunievič.

Ministr rastłumačyŭ, što ŭ hetym pytańni ŭ Biełarusi nie vynachodziać rovar: usie raźvityja krainy ŭžo daŭno realizavali taki prajekt u toj ci inšaj formie. Stvarajecca ž u našaj krainie sistema manitorynhu hramadskaj biaśpieki nie na pustym miescy. «U nas užo jość peŭnyja elemienty hetaj sistemy, u tym liku niekalki tysiač abjektaŭ, abstalavanych videakamierami, linii pieradačy dadzienych, sierviery, łakalnyja sietki. Sistema stvarajecca, kab heta ŭsio abjadnać», — udakładniŭ jon.

Kiraŭnik viedamstva adznačyŭ, što kožny ŭłaśnik taho ci inšaha abjekta budzie mieć mahčymaść abstalavać jaho videakamierami i padłučycca da ahulnaj sistemy manitorynhu dla zabieśpiačeńnia achovy, biaśpiečnych umoŭ žyćcia i pracy. «Dla pryvatnaha biźniesu i hramadzian heta budzie, biezumoŭna, nie abaviazak, a mahčymaść, — źviarnuŭ uvahu hienierał. — Isnuje šerah abjektaŭ, jakija ŭ abaviazkovym paradku ŭ suviazi z užo isnujučaj narmatyŭnaj bazaj pavinny być abstalavany sistemaj videanazirańnia. U płanach paradku dvuch-čatyroch tysiač abjektaŭ, jakija ŭ bližejšy čas (dumaju, na praciahu hoda, a moža i dvuch) pavinny być daabstalavanyja videanazirańniem».

Pa słovach Ihara Šunieviča, najaŭnaść sistemy, jakaja abjadnaje kamiery i śpiecyjalnyja detektary pa ŭsioj krainie, daść mahčymaść u razy pavialičyć mahčymaści adpaviednych struktur pa zabieśpiačeńni hramadskaj biaśpieki i apieratyŭnym reahavańni na roznyja niehatyŭnyja pryrodnyja źjavy.

* * *

Praciah temy: Parotnikaŭ pra adzinuju sistemu videanazirańnia: «Heta niešta bolšaje, čym prosta kamiery»

• 0
• 0
• 0
• 0
• 0
• 0
• 0
• 0