U Mahilovie pačaŭsia teatralny forum «M@rt.kantakt», bolšaść kvitkoŭ na jaki raschapali jašče zimoj FOTY
Heta ŭžo dvanaccaty pa liku forum, jaki štohod stanovicca hałoŭnaj viasnovaj padziejaj nie tolki dla horada, ale i krainy. Fiestyvalnaja prahrama — 2017 adkryłasia śpiektaklami «Adnakłaśniki. Uroki žyćcia» Ałma-acinskaha teatra imia Bajtena Amarava «Žas Sachna» i «Miesiacam u vioscy» Jarasłaŭskaha teatra dramy Fiodara Vołkava.
Praciahniecca forum da 27 sakavika. Za hety čas hledačy ŭbačać 22 śpiektakli 20 teatraŭ z 10 krain śvietu, u tym liku z Armienii, Polščy, Litvy, Aŭstryi, Hruzii, ZŠA i, kaniešnie, Biełarusi. Akramia asnoŭnaj prahramy, usich nieabyjakavych da teatra čakajuć bonusy: 2 majstar-kłasy, «Majsternia maładoj režysury», kruhły stoł, prezientacyja knihi pra historyju biełaruskaha teatra, štodzionnyja abmierkavańni z krytykami i artystami, vystavy maładych fatohrafaŭ i ramieśnikaŭ i inš.
U kasie Mahiloŭskaha abłasnoha dramatyčnaha teatra «NN» paviedamili, što na bolšaść pastanovak kvitki raskupili zimoj, jak tolki jany pastupili ŭ prodaž. Ale i zaraz jašče možna patrapić na polski «Archipiełah», hruzinski «Chałstamier. Historyja kania», ajčynnych «Krejcaravu sanatu», «Pradmietnuju hutarku» i «Heta ŭsio jana». Papiarednie z hetych źviestak možna zrabić vysnovu, što mienš za ŭsio biełarusaŭ na dadzieny momant cikaviać tancavalnyja pierformansy.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Kamientary