Zavadatarku Maršu darmajedaŭ u Breście zatrymali i advieźli ŭ psichdyspansier
Natallu Papkovu zatrymali dvoje ŭ milicejskaj formie nibyta za toje, što jana nie źjaviłasia ŭ psichanieŭrałahičny dyspansier. Pa źviestkach na 17.00 piatnicy 3 sakavika, Natalla Papkova znachodzicca ŭ psichijatryčnaj lakarni Bresta, paviedamlaje «Bresckaja hazieta».
Natalla Papkova ŭdzielničała 26 lutaha ŭ Breście ŭ akcyi suprać dekreta №3. A ŭviečary 2 sakavika joj patelefanavali z dyspansiera i prapanavali abśledavacca, bo na jaje pryjšła papiera ź milicyi, paviedamlaje sajt AHP. Natalla vyrašyła nie iści: bajałasia pravakacyj.
A na nastupny dzień, kali Papkova vyjšła z domu sa svajoj siastroj, da ich padyšli dvoje milicyjantaŭ i prapanavali joj pajści ź imi. Jany nie dazvolili siastry zabrać telefon i asabistyja rečy Natalli, nie patłumačyli, kudy jaje viazuć. Skazali tolki, što zatrymlivajuć Natašu praz toje, što jana praihnaravała vizit u dyspansier, raspaviała aktyvistka AHP Ludmiła Zacharanka. Pavodle infarmacyi Zacharanki, Papkovu buduć trymać u lakarni da paniadziełka.
Natalla abviaściła haładoŭku.
Na niadzielu 5 sakavika ŭ Bieraści zapłanavany čarhovy pratest suprać ekanamičnaj palityki ŭładaŭ. Na dumku aktyvistaŭ AHP, zatrymańnie Papkovaj, jak i raniejšaje zatrymańnie fiermiera Kabanava, maje na mecie zastrašyć ludziej i sarvać pratest.
Čytajcie taksama: «Daj zakuryć, a hrošaj?»: lidar pratestaŭ u Breście Alaksandr Kabanaŭ vinavacić milicyju ŭ pravakacyi
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza3
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary