Pa słovach namieśnika ministra handlu Viačasłava Drahuna, siońnia možna kazać rost papularnaści jakasnych i karysnych charčovych praduktaŭ.
Pa słovach namieśnika ministra handlu Viačasłava Drahuna, siońnia možna kazać rost papularnaści jakasnych i karysnych charčovych praduktaŭ.
Biełarusy stali čaściej nabyvać rybu, sadavinu i harodninu. Najpierš heta datyčyć tych praduktaŭ, jakija albo nie vyrablajucca ŭ Biełarusi, albo vyrablajucca ŭ niedastatkovaj kolkaści. U paraŭnańni z papiarednim hodam istotna vyraśli abjomy prodažaŭ cytrusavych, marskoj ryby. Hetaja pradukcyja składaje kala 70% impartnych charčovych tavaraŭ.
Salda źniešniaha handlu spažyvieckimi tavarami za pieršyja piać miesiacaŭ hodu skłałasia admoŭnaje, jaho pamier — $264,3 młn, paviedamiŭ namieśnik ministra handlu Viačasłaŭ Drahun. Za hety čas u krainu było zavieziena spažyvieckich tavaraŭ na sumu $2106,2 młn. (122,9% da analahičnaha peryjadu minułaha hodu). U tym liku niecharčovych tavaraŭ — na $1263,1 młn. (115,1%), charčovych — na $843,1 młn. (136,7%). Kali kazać pra charčovyja tavary, to pa vynikach pieršych piaci miesiacaŭ hodu ŭ źniešnim handli ŭ hetaj katehoryi dasiahnutaje dadatnaje salda ŭ pamiery $31,1 młn.
Za aznačany peryjad u Biełaruś było zavieziena lehkavikoŭ na sumu $445,9 młn., lekavych srodkaŭ — $139,1 młn. Varta adznačyć, što ŭdzielnaja vaha hetych tavaraŭ u ahulnym abjomie impartnych niecharčovych tavaraŭ składaje 46%.
Ciapier čytajuć
Byłoha milicyjaniera asudzili za žadańnie vajavać u Pałku Kalinoŭskaha. Pahražała da 15 hadoŭ kałonii1
Kamientary