Fiaduta: Hajdukievič nia ŭpisvajecca ŭ novyja praviły hulni
Palitolah Alaksandar Fiaduta pra admovu Siarhieja Hajdukieviča i ŁDPB udzielničać u parlamenckich vybarach.
Palitolah Alaksandar Fiaduta pra admovu Siarhieja Hajdukieviča i ŁDPB udzielničać u parlamenckich vybarach:
«Dumaju, što hetaje rašeńnie pryniali za Hajdukieviča. Heta moža śviedčyć pra toje nakolki Hajdukievič padrychtavany da dyjalohu z uładaj. Doŭhi čas ułada dazvalała Hajdukieviču być deputatam parlamentu, kandydatam u prezydenty. Hajdukievič atrymaŭ ad hetaha šmat dyvidendaŭ, ale ŭłada ad hetaha nie atrymała ničoha. Navošta joj heta ciapier? Mianiajucca praviły palityčnaj hulni. Lahična ŭźnikaje pytańnie, ci ŭpisvajecca ŭ hetyja praviły pavažany Siarhiej Vasiljevič? Zdajecca, što admova ad udziełu ŭ vybarach i daje vidavočny adkaz na hetaje pytańnie.
Dla ŭsich nas vidavočna, što ŭ parlament trapiać tolki tyja ludzi, jakich pryznačyć ułada. I časam składvajecca vielmi paradaksalnaja sytuacyja, kali tyja, kaho chacieli b bačyć u pałacie pradstaŭnikoŭ, na vybary nie iduć, a tyja, kamu miesca ŭ śpisie niama, naadvarot, balatujucca. Ja dumaju, što na niekatorych akruhach, prynamsi ŭ Miensku, vybary adkryta mohuć być sarvanyja. Ułada ž rychtuje novuju apazycyju. Što praŭda, pakul niezrazumieła ci jana budzie ŭ parlamencie, ci pa-za im.
A skončyć ja chaču starym savieckim anekdotam. U chvoraha Iosifa Brodzkaha pytajucca, čamu jon tut lažyć i nie aktyŭničaje. Vuń, kažuć, Jeŭtušenka ŭžo padtrymaŭ kałhasy. «Kali Jeŭtušenka za, značyć ja — suprać», — adkazaŭ Brodzki. Tak i ŭ nas siońnia. Kali Hajdukievič za niaŭdzieł, to heta lišni dovad dla apazycyi, kab nie bajkatavać vybary».
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?15
Kamientary