U Minsku adšukvajecca mužčyna pa padazreńni ŭ ździajśnieńni kradziažu hrošaj u abmiennym punkcie.
«Da kasira abmiennaha punkta adnaho sa staličnych bankaŭ, raźmieščanaha pa vuł. Jakuba Kołasa, źviarnuŭsia nieviadomy, jaki pad pahrozaj prymianieńnia vybuchovaha prystasavańnia zavałodaŭ bujnoj sumaj hrašovych srodkaŭ.
Incydent adbyŭsia ranicaj 22 studzienia.
Supracoŭniki ŭpraŭleńnia kryminalnaha vyšuku HUUS Minharvykankama abviaścili vykradalnika ŭ vyšuk», — adznačyli ŭ HUUS.
Zhodna z prykmietami, mužčyna słavianskaj źniešnaści, na vyhlad kala 25 hadoŭ, rost kala 175 sm, siaredniaha ciełaskładu, tvar vyciahnuty, nos doŭhi i pramy.
Byŭ apranuty ŭ ciomnuju bałońnievuju kurtku z kapiušonam krychu nižej pojasa firmy Puma z łahatypam šeraha koleru na levaj častcy hrudziej i biełaha koleru na levym rukavie. Na rukavach, ad plača da łokcia, majucca ŭstaŭki šeraha koleru. Pad kurtkaj bajka z kapiušonam śvietła-šeraha koleru (na vierchniaj častcy kapiušona majecca łahatyp ŭ vyhladzie trykutnika), na hałavie čornaja viazanaja šapka, čornyja spartyŭnyja štany z łampasami pa bakach śvietłaha koleru, na nahach čornyja krasoŭki z malunkam biełaha koleru na źniešnim i ŭnutranym baku. Pry sabie mieŭ sumku cieraź plačo čornaha koleru.
Pravaachoŭniki prosiać tych, chto vałodaje infarmacyjaj ab padazravanym, paviedamić pa telefonach 8 (029) 344 76 32, 8 (029) 159 02 01 abo 102.
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary