У Мінску адшукваецца мужчына па падазрэнні ў здзяйсненні крадзяжу грошай у абменным пункце.
«Да касіра абменнага пункта аднаго са сталічных банкаў, размешчанага па вул. Якуба Коласа, звярнуўся невядомы, які пад пагрозай прымянення выбуховага прыстасавання завалодаў буйной сумай грашовых сродкаў.
Інцыдэнт адбыўся раніцай 22 студзеня.
Супрацоўнікі ўпраўлення крымінальнага вышуку ГУУС Мінгарвыканкама абвясцілі выкрадальніка ў вышук», — адзначылі ў ГУУС.
Згодна з прыкметамі, мужчына славянскай знешнасці, на выгляд каля 25 гадоў, рост каля 175 см, сярэдняга целаскладу, твар выцягнуты, нос доўгі і прамы.
Быў апрануты ў цёмную балонневую куртку з капюшонам крыху ніжэй пояса фірмы Puma з лагатыпам шэрага колеру на левай частцы грудзей і белага колеру на левым рукаве. На рукавах, ад пляча да локця, маюцца ўстаўкі шэрага колеру. Пад курткай байка з капюшонам светла-шэрага колеру (на верхняй частцы капюшона маецца лагатып ў выглядзе трыкутніка), на галаве чорная вязаная шапка, чорныя спартыўныя штаны з лампасамі па баках светлага колеру, на нагах чорныя красоўкі з малюнкам белага колеру на знешнім і ўнутраным баку. Пры сабе меў сумку цераз плячо чорнага колеру.
Праваахоўнікі просяць тых, хто валодае інфармацыяй аб падазраваным, паведаміць па тэлефонах 8 (029) 344 76 32, 8 (029) 159 02 01 або 102.
Цяпер чытаюць
«Я больш не анархіст». Мікола Дзядок — пра турму, Бога і расчараванне ў ідэалогіях19
Каментары