Украінская каманда заняла месца ў топ-2 турніру ў дывізіёне IA. У вырашальны дзень спаборніцтваў украінцы перамаглі Японію з лікам 3:1, прычым здолелі зрабіць камбэк па ходзе матчу.
Пасля гэтай перамогі лёс выхаду ў эліту залежаў ад гульні паміж Польшчай і Літвой. Палякам была патрэбна толькі перамога ў асноўны час, каб апярэдзіць Украіну.
Аднак матч скончыўся нечакана. Літва адкрыла лік, а Польшча здолела зраўняць яго толькі напрыканцы другога перыяду. У трэцім перыядзе гаспадары турніру не змаглі вырваць перамогу, і гульня перайшла ў авертайм.
Гэта азначала, што Польшча страціла шанец на выхад у эліту, а зборная Украіны гарантавала сабе павышэнне ў класе. Больш за тое, у дадатковы час літоўцы закінулі пераможную шайбу і выйгралі матч.
Такім чынам, Украіна вярнулася ў наймацнейшы дывізіён сусветнага хакея ўпершыню з 2007 года. Наступны чэмпіянат свету стане для ўкраінскай зборнай першым у эліце за два дзесяцігоддзі.
Другой краінай, зборная якой сёлета праходзіць у эліту сусветнага хакея, стаў Казахстан. Ён вяртаецца туды пасля гадавога перапынку.
Яшчэ адзін беларускі хакеіст падпісаў кантракт з клубам НХЛ
Хакеіст мінскага «Дынама» Віталь Пінчук пайшоў гуляць у НХЛ. Лукашэнка спадзяваўся, што ён не «збяжыць»
Форвард хакейнага «Дынама-Мінск» хоча, каб заробак яму паднялі да мільёна даляраў за год. Два іншыя ўжо атрымліваюць амаль столькі
Беларус уключаны ў сімвалічную зборную найлепшых навічкоў Амерыканскай хакейнай лігі
Мінскае «Дынама» вылецела з Кубка Гагарына, чвэрцьфінал прайгралі ўсухую
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»12
Каментары