Napiaredadni adbyłasia cyrymonija inaŭhuracyi novaha prezidenta ZŠA Donalda Trampa, da jakoj było źviernutaja ŭvaha ŭsiaho śvietu. Adnak nie mienš pozirkaŭ było prykavana da vyhladu pieršaj łedzi Amieryki. Jak pieradajuć infarmahienctvy, Miełani Tramp vyhladała cudoŭna ŭ stroi ad dyzajniera Ralfa Łarena.
Miełani abrała dla hetak važnaj cyrymonii śvietła-błakitnaje palito ź vialikim kaŭniarom i rukavami daŭžynioj try čverci. Dadatkam da vobrazu stali błakitnyja palčatki i tufli-łodački ŭ ton. Amierykanskaja presa amal adrazu ŭbačyła padabienstva hetaha ŭboru z tym, jaki byŭ na Džeki Kienedzi ŭ dzień inaŭhuracyi jaje muža Džona ŭ 1961 hodzie. Tady Džeki pryjšła na prysiahu muža ŭ amal identyčnym pa kolery palito, takich ža błakitnych palčatkach.
Adnak, što b ni pisali i ni kazali, Miełani Tramp ŭ vobrazie ad Ralfa Łarena vyhladała cudoŭna. Cikavy toj fakt, što znakamity madeljer maje biełaruskija karani. Jon źjaŭlajecca vychadcam z habrejskaj siamji. Jaho baćka Frank Liŭšyc byŭ rodam ź Pinska, a maci Frejdł Katlar z Hrodna. Budučyja muž i žonka paznajomilisia ŭžo ŭ Amierycy. Paźniej u ich naradziŭsia syn Ralf, jaki źmienić proźvišča Liŭšyc na Łaren.
Modny dom Ralfa Łarena — adzin z zakanadaŭcaŭ ŭ industryi pryhažości, a ŭładalnik ŭvachodzić u śpis samych bahatych ludziej płaniety pa viersii Forbes.
Ciapier čytajuć
Finalistak konkursu «Mis Biełaruś — 2025» vyvieli na scenu ŭ kaściumach z cytatami Łukašenki26
Kamientary