Były hiendyrektar zavoda chaładzilnikaŭ Kałuhin, jaki išoŭ u prezidenty, staŭ manacham Nikanam i žyvie pad Drybinam
Były hiendyrektar zavoda chaładzilnikaŭ Leanid (manach Nikan) žyvie ŭ Hałovičach Drybinskaha rajona (Mahiloŭskaja vobłaść). U hetaj vioscy jon naradziŭsia.
«Leanid Ivanavič pracuje ŭ Śviata-Trajeckaj carkvie, pierajechaŭ siudy daŭno, žyvie adzin», — raspaviała «Narodnaj voli» adna z žycharak vioski.
Sam Kałuhin, jamu spoŭnicca 16 studzienia 77 hadoŭ, nosić čornaje manaskaje adzieńnie. Adnaviaskoŭcy kažuć, što jon dapamoh budavać carkvu. Kałuhin pahadziŭsia adkazać na niekalki pytańniaŭ «Narodnaj voli».
Kamientavać byłuju dziejnaść na «Atłancie» jon admoviŭsia: «Usie spravy ŭ minułym. Ja ŭžo daŭno piensijanier. A pramysłovaść — užo ŭ dalokim minułym. Siońnia ja manach. Zrazumieć manacha moža tolki manach».
«Pytajecie, ci prosta mnie dałosia rašeńnie syści ad śvieckaha žyćcia. Heta vielmi składanaje pytańnie, adrazu tak chutka i nie adkažaš. Da i nie chaču ja abmiarkoŭvać hetu temu. Volu Boskuju nie abmiarkoŭvajuć. Volu Boha vykonvajuć», — reziumavaŭ jon.
***
Leanid Kałuhin doŭhi čas byŭ hiendyrektaram zavoda «Atłant», z 1996 h. — člen Savieta Respubliki. U 2001 h. bałatavaŭsia na pasadu prezidenta, ale nie sabraŭ nieabchodnuju kolkaść podpisaŭ.
21 listapada 2001 h. byŭ zatrymany pa abvinavačvańni ŭ niesvoječasovym viartańni mižnarodnaha kredytu. 29 listapada 2001 h. zaviedzienaja kryminalnaja sprava pavodle art 424, č. 3 Kryminalnaha kodeksa: złoŭžyvańnie ŭładaj abo słužbovymi paŭnamoctvami. Pazbaŭleny pasady hienieralnaha dyrektara ZAT «Atłant». Paśla praciahłaha papiaredniaha źniavoleńnia abvinavačańnie źniata za adsutnaściu składu złačynstva.
Kałuhin niekalki hadoŭ žyŭ pad Minskam pry adnoj z cerkvaŭ, a ŭ čas kiravańnia «Atłantam» pabudavaŭ na terytoryi zavoda pravasłaŭny chram.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»25
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary