Kirmaš-rasprodaž vyrabaŭ biełaruskich majstroŭ adbudziecca ŭ minskaj kaviarni-kłubie «Hraj» 18 śniežnia. U jaho miežach možna budzie nabyć ekskluziŭnyja padarunki da Kaladaŭ i Novaha hoda.
Adnak arhanizatary miarkujuć zładzić nie tolki vystavu-prodaž, ale i sapraŭdnaje biełaruskaje śviata z kaladnym anturažam: tradycyjnymi i siaredniaviečnymi biełaruskimi tancami, zabavami, hulniami, majstar-kłasami, a taksama žyvoj muzykaj. Adzin z pakojaŭ «Hraj» budzie adviedzieny pad nastolnyja hulni, aproč hetaha možna budzie navučycca rabić kaladnyja paštoŭki ŭ technicy vycinanka.
Asobnaj častkaj prahramy budzie «Śpieŭny schod» Sieržuka Doŭhušava, padčas jakoha ŭsie prysutnyja razvučać i vykanajuć biełaruskija kaladki z roznych rehijonaŭ.
Zrešty, arhanizatary pryhatavali jašče šmat cikavostak, jakich pakul nie raskryvajuć, ale zaznačajuć, što cikava na mierapryjemstvie budzie i maładzionam, i dzietkam, i ludziam stałaha vieku.
«My čakajem naviednikaŭ siemjami, bo na našym kirmašy pryjemnaje možna sumiaścić z karysnym: dobra adpačyć, daznacca bolej pra admietnyja biełaruskija kaladnyja tradycyi, a taksama paradavać siabie i svaich blizkich sapraŭdy niezvyčajnymi rečami, zroblenymi ŭ adzinym ekziemplary», — kažuć jany.
Taksama na mierapryjemstva možna budzie padsiłkavacca tradycyjnymi biełaruskimi stravami i nabyć ich z saboj.
Admietnaść kirmašu jašče i ŭ tym, što ŭsie tavary buduć pradavacca sa źnižkami.
Zavieršycca impreza vialikim solnym kancertam fołk-rok-hurtu Re1ikt, jaki zusim niadaŭna prezientavaŭ svoj novy albom «Kufar».
Kaladny handmade-kirmaš źbiare majstroŭ, jakija zajmajucca roznymi ramiostvami: hančarstvam, vyrabam paštovak, rečaŭ z dreva, vyšyŭkaj, tkactvam, skrapbukinham i inš.
Mierapryjemstva projdzie 18 śniežnia ŭ minskaj kaviarni-kłubie «Hraj» (vuł. Internacyjanalnaja, 33) z 12 da 21 hadziny.
Padrabiaznaja infarmacyja dy prahrama ŭ najbližejšy čas źjaviacca tut.
Košt uvachodu na kirmaš-rasprodaž simvaličny — usiaho adzin biełaruski rubiel.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič14
Kamientary