Papiaredniaja infarmacyi pravaabaroncaŭ ab pryviadzieńni ŭ vykanańnie śmiarotnaha prysudu ŭ dačynieńni da Hienadzia Jakavickaha padćvierdziłasia. Jon byŭ rasstralany ŭ SIZA №1 h Minska razam ź Ivanam Kulašom i Siarhiejem Chmialeŭskim 5 listapada 2016 hoda.
Svajaki rasstralanaha pieradali kaardynataru kampanii «Pravaabaroncy suprać śmiarotnaha pakaranńnia ŭ Biełarusi» Andreju Pałudzie dakumient ź Minskaha abłasnoha suda, jaki padćviardžaje hetuju infarmacyju.
Vidavočna, što ŭsich traich śmiarotnikaŭ rasstralali ŭ adzin i toj ža dzień.
Niekalki dzion tamu pravaabaroncam stała viadoma ab tym, što ŭ Minskim SIZA №1 rasstralany asudžany da śmiarotnaha pakarańnia žychar Lidskaha rajona Ivan Kuleš. Miarkujemaja data pryviadzieńnia śmiarotnaha prysuda — 5 listapada. A 29 listapada svajaki Siarhieja Chmialeŭskaha paviedamili kaardynataru kampanii «Pravaabaroncy suprać śmiarotnaha pakarańnia ŭ Biełarusi» Andreju Pałudzie, što prysud da śmiarotnaha pakarańnia ŭ dačynieńni da ich blizkaha čałavieka pryviedzieny ŭ vykanańnie.
***
Prysudam Minskaha abłasnoha suda ad 5 studzienia 2016 hoda Hienadź Jakavicki, nieadnarazova sudzimy, pryznany vinavatym u zabojstvie svajoj sužycielki, učynienym z asablivaj žorstkaściu. Raniej jon byŭ sudzimy za zabojstva, uchileńnie ad vypłaty alimientaŭ. Na padstavie p.p. 6 i 16 č. 2 art. 139 KK Respubliki Biełaruś pryznačanaja vyklučnaja miera pakarańnia — śmiarotnaje pakarańnie. Kalehija Viarchoŭnaha suda 8 krasavika nie zadavoliła apielacyjnuju skarhu asudžanaha da śmiarotnaha pakarańnia žychara Vilejki Hienadzia Jakavickaha.
Nahadajem, što Amnesty Intrnational vystupiła ŭ abaronu Hienadzia Jakavickaha i raspaŭsiudziła terminovy zvarot da prezidenta Łukašenki z zaklikam spynić śmiarotnaje pakarańnie ŭ Biełarusi.
-
Biełarus paśla śmierci žonki zastaŭsia adzin ź dziećmi. Ich u jaho 12, ale jon dobra daje rady
-
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy
-
Jašče kala 400 hiektaraŭ ziamli na Homielščynie bolš nie ličacca radyjeaktyŭnymi
Ciapier čytajuć
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju81
Kamientary