«Ja vyrablaju meblu ŭ hramadstvie, jakoje na 99% razmaŭlaje «normalnym jazykom». Mnie prystasavacca pad ich ci hnuć svajo?»
Piša Źmicier Daškievič.
Mianie niekatoryja byłyja MFaŭcy, jakija raspačynajuć ułasnyja biznes-prajekty, pierakonvali, što treba vieści biznes najbolej pa-rasiejsku. Dziŭna heta było čuć vušam maim.
Ja z 2000-ha pracavaŭ na roznych Mienskich rynkach i kali b majoj metaj było pieradusim nakasić hrošaŭ, ja b i ŭ Małady Front nie pajšoŭ by nikoli. Ja zarablaŭ u nulavyja pa paŭtysiačy-tysiaču (i heta vam nia siońniašnija 500) i moh ruchacca ŭ lubym nakirunku. Ale ja za hetyja hrošy ŭ tym liku pa strukturach maładafrontaŭskich jeździŭ i ŭlotki drukavaŭ. U hodzie niedzie 2003, pracujučy na Červieńskim kirmašy, ja całkam pierajšoŭ na biełaruskuju movu i 500-700 handlaroŭ ad mianie i siabroŭ maich (a my razvozili pa kirmašy harbatu i kožnaha handlara viedali pajmienna) byli ŭ šoku. Ale praź miesiacaŭ paru pryzvyčailisia, z čaja pierajšli na harbatu, z kofie — na kavu i ja maju peŭnaść, što mnohija i ciapier ź ciažkaściu vymaviać kitajskaje słova čaj ))
I voś siońnia, praz hod 12-15, jak ja naviarnuŭsia da biełaruščyny, ja vyrablaju meblu ŭ hramadztvie, jakoje na 99% razmaŭlaje «normalnym jazykom». Što mnie rabić, kali ja žadaju zarablać hrošy? Pryładkavacca pad 99% ci hnuć svajo? Niechta raić, što treba padładkoŭvacca. Ale dla mianie pierajści na rasiejskuju dziela niejkaj vyhady ci kanjuktury — heta zdradzić usiamu, čym ja žyŭ i žyvu. Heta navat, kali chočacie, zdradzić Hospadu, jaki adaryŭ naš narod choć i «nienarmalnaj», ale cudoŭnaj i pryhožaj movaj — toj movaj, na jakoj była napisana adna ź pieršych kanstytucyj u Jeŭropie i nadrukavana čaćviortaja ŭ śviecie Biblija.
Tak, 99% u štodzionnym žyćci karystajucca rasiejskaj movaj, ale bolšaść hetych ludziej, dziakavać Bohu, šanujuć biełaruskuju movu i vykazvać pavahu tym, chto na joj razmaŭlaje. I niachaj biełaruskaja mova siońnia nienarmalnaja (bo jana taja na jakoj razmaŭlać, pracavać i žyć — «nie norma»), ale ja peŭny: kali my nia budziem joj štodnia zdradžvać, jana vielmi chutka zojmie svoj pačesny dziaržaŭny pasad i staniecca-taki narmalnaj.
-
Navumčyk pra nastupstvy 2020 hoda: Trahiedyja nacyjanalnaha maštabu
-
«U kaho z mastakoŭ možna zakazać svoj partret, a nie kamień u šklanym kubie?»
-
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary62
Kamientary