Redkaja źjava: nad Biełaruśsiu zaŭvažyli soniečnaje i miesiačnaje hało VIDEA, FOTY
Maroznaje nadvorje 12 i 13 listapada dazvoliła biełarusam nazirać u niebie niezvyčajny fienomien — hało. Pryčym za adny sutki jak soniečnuju, tak i miesiacovuju jaho «viersiju», piša tut.by.
Vyjavy na niebie ŭtvarajucca dziakujučy adlustravańniu i pierałamleńniu soniečnaha śviatła praz kryštaliki ldu na vyšyni 5-10 kiłamietraŭ.
Dla Biełarusi hetaja źjava davoli redkaja, časam jaje nazyvajuć «zimovaj viasiołkaj».
Minski astrafatohraf Andrej Lejčyk zaŭvažyŭ hało 13 listapada padčas špacyru. «Faktyčna siońnia na praciahu ŭsiaho dnia ź Minska i pryharadaŭ možna było nazirać soniečnaje hało i davoli jarkuju vierchniuju duhu», — napisaŭ jon.
A žychar Homiela Juryj Šaŭcoŭ sfatahrafavaŭ miesiacovaje hało nad pryvatnym siektaram horada. Taksama jon źniaŭ timelapse-videa, u jakim źmiaściŭ 9 hadzin nazirańnia za načnym niebam, miesiacam i «zimovaj viasiołkaj».
Miarkujučy pa fota ŭ sacsietkach, za apošnija dni hało bačyli ŭ mnohich krainach — ad Isłandyi i Danii da Izraila i Turcyi. Adzin z samych efiektnych zdymkaŭ «zimovaj viasiołki» zrabili ŭ Łapłandyi (Finlandyja).
Ciapier čytajuć
Adstaŭny ministr-karupcyjanier pradaje reśpiektabielny katedž kala Drazdoŭ. Prosić $2 miljony3
Kamientary