Pieršaje miesca premii Hiedrojca atrymaŭ Maks Ščur za knihu «Zaviaršyć hieštalt»
Premija Hiedrojca prysudžajecca štohod za najlepšuju knihu, napisanuju na biełaruskaj movie, u žanrach «mastackaja proza» i «eseistyka».
20:55
Pieršaje miesca premii ŭ Maksa Ščura. Ček, ekvivalentny 5000 jeŭra, dastajecca jamu.
Chto taki Maks Ščur i čamu jaho nichto nie bačyŭ
Valancin Akudovič: «Maks Ščur — niebłahi vybar»
20:50
Druhoje miesca ahučvaje staršynia Sajuza biełaruskich piśmieńnikaŭ Barys Piatrovič.
Uznaharodu prysudžajuć Alhierdu Bachareviču. Jon adpravicca na šviedski vostraŭ Hotłand.
20:45
Treciaje miesca abjaŭlaje Uładzimir Arłoŭ. Imia piśmieńnika napisana ŭ kanviercie, jaki jon trymaje ŭ rukach.
Treciaje miesca ŭ Andreja Adamoviča za knihu «Taŭściła i lešč». Andrej atrymlivaje ŭ padarunak dvuchtydniovy tvorčy adpačynak u Bierlinskim litaraturnym kalokviumie.
Andrej Adamovič: «Ja pajechaŭ u Vilniu, sieŭ i napisaŭ knihu za dziesiać dzion»
20:25
Usie piśmieńniki šort-lista, albo ich pradstaŭniki, atrymali dypłomy. Na scenie znoŭ hurt Shuma.
Užo zusim chutka nazavuć imiony pieramožcaŭ.
Na cyrymonii nie prysutničajuć Alhierd Bacharevič, Aleś Paškievič i Maks Ščur.
19:45
Hučać uryŭki z naminavanych tvoraŭ. U zapisie — hałasy akcioraŭ Kupałaŭskaha teatra Alesia Małčanava i Aleny Sidaravaj. Užyvuju ŭ zale čytaje akcior Kupałaŭskaha Raman Padalaka.
19:25
Staršynia biełaruskaha PEN-centra Andrej Chadanovič abjaŭlaje, što raspačataja piataja cyrymonija ŭznaharodžańnia pieramožcaŭ premii Hiedrojca.
«Z adnaho boku, premija stvoranaja, kab ušanavać pamiać Ježy Hiedrojca, jaki 110 hadoŭ tamu naradziŭsia ŭ Minsku. Ź inšaha, premija — prapahanda biełaruskaj litaratury ŭ Polščy i Biełarusi. Musić być viera piśmieńnika ŭ toje, što kali jon niešta robić, kamuści heta patrebna. Premii dapamahajuć sustrecca aŭtaru z čytačom, z polskim pierakładčykam», — kaža Andrej Chadanovič.
Słova biare hanarovy staršynia žury — Nadzvyčajny i Paŭnamocny Pasoł Respubliki Polšča ŭ Respublicy Biełaruś Konrad Paŭlik.
«Ideja premii ŭ tym, kab stymulavać biełaruskaje litaraturnaje asiarodździe raźvicca. I heta prynosić svaje vyniki, tamu što bačny roskvit biełaruskaj tvorčaści. Źjaŭlajucca knihi važnyja i vartyja ŭvahi. Ja pierakanany, što sioletnija łaŭreaty całkam zasłužyli hetaje zvańnie. Chaču padziakavać usim udzielnikam za ich vialikuju pracu. Vy ŭsie — pieramožcy. Treba mieć advahu, kab udzielničać u takim konkursie jak hety, — skazaŭ Kondrad Paŭlik.
19:15
U zale hatela «Reniesans», dzie siońnia ahučać pieramožcaŭ, bolš za 100 čałaviek — piśmieńniki, žury, hości.
Adkryvaje cyrymoniju muzyčny hurt Shuma, jaki ŭdała spałučaje archaičnyja biełaruskija śpievy i sučasnuju elektronnuju muzyku.
***
Sioleta ŭ šort-list Premii imia Ježy Hiedrojca trapili knihi:
- «Taŭściła i lešč» Andreja Adamoviča
- «Pračnucca rankam u svajoj krainie» Valancina Akudoviča
- «Biełaja mucha, zabojca mužčyn» Alhierda Bachareviča
- «Ruch» Alesia Paškieviča
- «Šmat Česłava Miłaša, krychu Ełvisa Preśli» Tani Skarynkinaj
- «Zaviaršyć hieštalt» Maksa Ščura
U žury premii sioleta ŭvajšli Ihar Babkoŭ, Siarhiej Dubaviec, Ludmiła Rubleŭskaja i Hanna Jankuta — ź biełaruskaha boku.
Andžej Bžeziecki i Małhažata Nocuń — z polskaha boku.
Hanarovy staršynia žury — Nadzvyčajny i Paŭnamocny Pasoł Respubliki Polšča ŭ Respublicy Biełaruś Konrad Paŭlik.
***
Premija imia Ježy Hiedrojca ŭručajecca ad 2012 hoda.
Raniej jaje atrymlivali:
- Pavieł Kaściukievič — «Zbornaja RB pa niehałoŭnych vidach sportu» (2012)
- Uładzimir Niaklajeŭ — «Aŭtamat z haziroŭkaj ź siropam i biez» (2013)
- Ihar Babkoŭ — «Chvilinka: Try historyi» (2014)
- Viktar Kaźko — «Čas źbirać kości» (2015)
Ciapier čytajuć
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ7
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1818
Kamientary