Alaksandr Łukašenka raźličvaje na adkryćcio novaj staronki ŭ adnosinach pamiž Biełaruśsiu i Vialikabrytanijaj. Ab hetym Alaksandr Łukašenka zajaviŭ siońnia na sustrečy z členam brytanskaj karaleŭskaj siamji pryncam Majkłam Kienckim.
Alaksandr Łukašenka padkreśliŭ, što ŭ śfiery miždziaržaŭnych adnosin Biełarusi i Vialikabrytanii niepieraadolnych pytańniaŭ niama. «Kali ŭžo być absalutna ščyrym, Vialikabrytanija, napeŭna, nie vielmi cikaviłasia situacyjaj u Biełarusi i, chutčej za ŭsio, dziejničała ŭ farvatary dziejańniaŭ Brusiela, - skazaŭ kiraŭnik dziaržavy. - Vaš pryjezd, spadziajusia, adkryje novuju staronku našych adnosin, i vielmi mnohija palityki i biźniesmieny, jakija zacikaviacca Biełaruśsiu, atrymajuć hetu charaktarystyku z vašych vusnaŭ».
«My vielmi spadziajomsia, što našy adnosiny ź Vialikabrytanijaj buduć raźvivacca. U nas vialiki intares u handli», - zajaviŭ jon.
Jon adznačyŭ, što Vialikabrytanija ŭvachodzić u lik asnoŭnych partnioraŭ Biełarusi ŭ pytańniach handlu i inviestycyj. «Heta dobraja asnova dla našaha dalejšaha supracoŭnictva. Ja chaču, kab vy viedali, što my sumlenna i ščyra čakajem vaš biźnies u Biełarusi. Pa lubych pytańniach, jakija vas cikaviać», - skazaŭ kiraŭnik dziaržavy.
Kiraŭnik krainy dadaŭ, što ŭ Biełarusi niama nijakich abmiežavańniaŭ i abaviazacielstvaŭ, jakija pieraškadžajuć raźvićciu handlu i supracoŭnictva ŭ roznych śfierach ź Vialikabrytanijaj.
Alaksandr Łukašenka taksama padziakavaŭ za vielizarnuju dapamohu i dabračynnaść, jakuju Vialikabrytanija akazvaje ŭ adnosinach da dziaciej z terytoryj, što paciarpieli ad avaryi na Čarnobylskaj AES. «Vy padstavili svajo plačo i dapamahli nam azdaravić tysiačy dziaciej. Za heta vam vialikaja ŭdziačnaść», - adznačyŭ biełaruski lidar.
U svaju čarhu prync Majkł Kiencki padziakavaŭ za ciopły pryjom, adznačyŭšy, što dla jaho vialikaje zadavalnieńnie znachodzicca ŭ Biełarusi. Jon padkreśliŭ, što źjaŭlajecca pieršym pradstaŭnikom brytanskaj karaleŭskaj siamji, jaki naviedvaje Biełaruś.
Pavodle jaho słoŭ, hety vizit asabliva źviazany sa śfieraj biaśpieki na darohach. Prync taksama zhadziŭsia ź nieabchodnaściu raźvivać i palapšać biełaruska-brytanskija handlovyja adnosiny.
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary