Rasija ŭ hetym hodzie vypłacić «Hazpromu» kala 25 miljardaŭ rasijskich rubloŭ, a ŭ nastupnym — jašče 56 miljardaŭ u jakaści kampiensacyi za źnižku na haz dla Biełarusi, piša «Kommiersant». Heta što składaje ahułam kala 1,4 młrd dalaraŭ pavodle siońniašniaha kursu.
Minsk i Maskva damovilisia ab mižbiudžetnaj kampiensacyi pry pastaŭkach hazu, što dazvolić da 1 lipienia 2019 hoda zabiaśpiečyć vytvorcam enierhii roŭnyja ŭmovy pa canie na paliva, a da 1 studzienia 2025 hoda — usim astatnim spažyŭcam, piša Kommiersant.
Vydańnie adznačaje, što ŭzamien na źnižeńnie cany Biełaruś abaviazałasia admianić pavyšanuju płatu za tranzit rasijskaj nafty.
Akramia taho, jak śćviardžajuć krynicy «Kommiersanta», Minsk paabiacaŭ padpisać pahadnieńnie ab stvareńni adzinaha enierharynku dźviuch krain.
Pa słovach krynicaŭ «Kommiersanta», Biełaruś pahasić doŭh u 300 miljonaŭ dalaraŭ, a faktyčnaja rublovaja cana hazu budzie źnižana zadniaj dataj z 1 lipienia prykładna na 30%.
Takim čynam, užo ŭ hetym hodzie Minsk zekanomić kala 400 młn dalaraŭ.
Pry hetym faktyčny taryf dla Biełarusi budzie raźličvacca jak siaredniaja cana pa Adzinaj sistemie hazazabieśpiačeńnia Rasii, pamnožanuju na padvyšajučy kaeficyjent. Formułu zamacujuć ŭ mižuradavym pahadnieńni.
U 2017 hodzie cana dla Minska pavinna skłaści kala šaści tysiač rasijskich rubloŭ za tysiaču kubamietraŭ. Heta kala 96 dalaraŭ pa siońniašnim kursie, abo na 80% tańniej za siaredniuju jeŭrapiejskuju canu na haz na siońnia.
Ciapier čytajuć
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?14
Kamientary